نص كلمة السيسي في استقبال الرئيس والمدير العام التنفيذي لشركة سيمنز 13/1/2021

اسمحوا لي إن أنا أوجه لكم كل التقدير والشكر لشركة سيمنز على تعاونها معانا في هذا المشروع الضخم، وعلى العرض اللي قدمته لينا بالفعل، هذا العرض من حيث السعر ومن حيث المواصفات اللي هاتعطى من.. حتى التوقيت، إحنا بنتكلم على مشروع مرحلته الأولى فقط من السخنة للعلمين، إحنا بلورنا تمامًا المشروع كله، وبنتكلم على إن إحنا نقدر ننفذه في سنتين.

أنا بأقدر السعر اللي قدمته شركة سيمنز لأنها لتاني مرة.. أول مرة قدمت سعر عظيم وخدمة عظيمة لمصر في مشروع المحطات الكهربية بتاعة سيمنز، والنهاردة هي بتكرر نفس الأسلوب معانا، نفس العطاء أو نفس الهدية، فأنا بشكرها، وبقولهم طبعا نحن نثق فيكم، وبنعتمد عليكم، وبنشكركم.

أنا بتكلم في مشروع هايتكلف تقريبا 360 مليار جنيه خلال سنتين، هايتعمل طبقا ل.. يعني، أقصى المعايير العلمية والتكنولوجية والفنية في كل شيء.

مرة تانية أنا بوجه الشكر لكم، وللسيدة المستشارة ميركل على دعمها لينا، وطبعا بشكر الشركة مرة تانية، وإحنا كنا نتمنى إن إحنا نخلصه في سنة ونص، لكن طبعا إحنا مش هانضغط لأن ده أمر مش يسير، شكرا جزيلا. أنا بشكرك.
...

ألقيت الكلمة في القاهرة، بحضور السيد جو كايسر، الرئيس والمدير العام التنفيذي لشركة سيمنز الألمانية، والدكتور رولاند بوش نائب الرئيس التنفيذي وعضو مجلس إدارة الشركة، والدكتور مصطفى مدبولي رئيس مجلس الوزراء، والفريق كامل الوزير وزير النقل.

خدمة الخطابات الكاملة للسيسي تجدونها في هذا الرابط