سكرتير سامي عنان: أفندم
البرادعي: آه، أكلم سيادة الفريق من فضلك؟ أنا محمد البرادعي يا فندم..
سكرتير سامي عنان: حاضر يا فندم
عنان: ألو
البرادعي: آه مساء الخير يا فندم
عنان: إزيك يا دكتور؟
البرادعي: إزي صحتك وإزي حضرتك؟
عنان: أخبار سيادتك إيه؟
البرادعي: الله يخليك أنا سعيد النهارده إني بتعرف بحضرتك.
عنان: ربنا يخليك الله سعدت بحضرتك جدًا والله.
البرادعي: الله يخليك، ربنا إن شاء الله يطلعنا من ال.. يعني، من الموقف إللي احنا فيه، بإذن الله.
عنان: بإذن الله، بمجهوداتنا المشتركة يا دكتور والله
البرادعي: ضروري والله، ضروري بإذن الله.. أنا.. أنا كنت عايز أقول لحضرتك بس أنا كان عندي شباب الائتلاف النهاردة واتكلمت معاهم طبعاً إديتلهم ملخص عن الوضع والأوضاع الاقتصادية والأوضاع الأمنية وكل الكلام ده
عنان: آه..
البرادعي: وموضوع بردو كذلك ميدان التحرير والاعتصامات والتظاهرات، يعني، آآ، يعني عشان ماطولش على حضرتك المطلب الوحيد بالنسبالهم هو الوزارة.. يعني.. بيقولوا لو الوزارة أقيلت، هم هايتعهدوا يوم الجمعة الجاية مفيش، مايكونش في مظاهرات ولا اعتصامات ولا، ولا، ولا شيء. يعني.. ده هو المطلب اللي أنا، يعني بعد مشاورات طويلة، هو اللي واقفين على هذا المطلب. فقلت أقول سيادتك يعني.
عنان: طب يعني حضرتك ماقدرتش تقنعهم يدوا فرصة للوزارة تشوف شغلها؟
البرادعي: والله أنا حاولت، ده أنا حاولت معاهم، أنا قعدت معاهم بقالي ساعتين حضرتك من ساعة مارجعت، يعني، يعني هي بالنسبالهم زي ما حضرتك بتقول أصبحت obsession زي أيام الرئيس مبارك، أصبحت obsession بالنسبالهم، لسبب ما، يعني، على أساس إنها وزارة الرئيس مبارك وهذا الكلام. آآ، يعني ده هو المطلب.
الحاجة التانية طبعاً كلهم بردو بيؤيدوا إن الانتخابات الرئاسية تكون قبل الانتخابات البرلمانية للمسائ.. للأوضاع اللي شرحناها لحضرتك علشان الدستور والكلام ده، إنما المطلب الوحيد هو موضوع الوزارة يعني.. وتعاهدوا إن إذا حصل هذا قبل يوم الجمعة هيدعوا إلى فك كل الاعتصامات والتظاهرات طبعاً على أد ما يقدروا. إنما يعتقدوا إن هي يعني هاتنفك معظمها يعني
عنان: يعني والله بس يا دكتور برادعي حضرتك عارف إحنا كنا عايزين ندي فرصة للوزارة وللدكتور أحمد شفيق إن هما.. لأن الناس يعني مافيش عليها أي نوع من ال.. الديفوهات يعني، شغالين كويس.
البرادعي: لا ما أنا، أنا، أنا عارف، يعني هو، هو يعني هي مسألة عملية أصبحت عملية رمزية أكتر منها شيء، أو عملية يعني، بالذات أربعة خمسة وزارة..
عنان: وبعدين، وبعدين عايز أقول لحضرتك حاجة يعني..
البرادعي: نعم..
عنان: يعني إذا كان بيقولوا دلوقت في عهد الرئيس مبارك، طب ماهو كل الشعب المصري كان في عهد الرئيس مبارك قبل 25 يناير..
البرادعي: آه، لا لا، مظبوط، يعني يمكن على أساس إن هو ده كان في منصب عالي أنا مابدافعش عن موقفهم أنا بقول لحضرتك يعني الموقف بتاعهم، وده، ده كان ليهم مطالب تانية كتير إن مش عارف، إن في ناس بتروح محاكم عسكرية، المهم يعني، خفضنا كل الكلام ده، فأنا حبيت بس أقول لحضرتك يعني.
عنان: هم، يعني، بيتكلموا في الوزارة كشخص الدكتور أحمد شفيق يعني ولا فمين؟
البرادعي: بيتكلموا فيه، وأظن أربعة خمسة كمان، إللي هم وزير الخارجية، وزير الداخلية، أربعة خمسة أظن، يعني لو حضرتك عاوز الأسامي ممكن أجيبهم منهم وأبعهم يعني إذا كنت حابب.. لا بنتكلم على أربعة خمسة، الفريق شفيق وأظن أربعة خمسة معاه.
عنان: آه، بس حضرتك مش شايف إن كدة، يعني، العملية، يعني.. مش مدية فرصة لأي جهة إنها تشوف شغلها؟ يعني....
البرادعي: والله أنا هقول لحضرتك، يعني، إذا كنت حضرتك، رأيي الشخصي، أنا، يعني، إذا كان إن آآ بيجيبوا، يعني حضرتك هتشوف وأي حد يعني بيتكلموا على واحد مثلًا زي عصام شرف، أحمد الجويني، يعني، يبقى وجه جديد بالنسبالهم يحسوا إن الرئيس مبارك ورئيس الوزارة إللي هو معينه غادروا بكل احترام الموقع يعني. يعني هي مش مسألة شخص، أنا، ماهياش مسألة شخص، وأعتقد كلهم بيشيدوا بكفاءة الفريق أحمد شفيق، إنما هي مسألة رمز أكتر منها أي شيء آخر يعني.
عنان: آه.. تليفون حضرتك كام يا دكتور؟
البرادعي: أهو أنا هبعته لحضرتك، هبعت لحضرتك، دقيقة واحدة أنا هديه لحضرتك.
عنان: طيب اتفضل..
البرادعي: دقيقة واحدة يا فندم، أنا مش حافظ نمرتي، أكيد حضرتك مش حافظ نمرتك بردو هههههه
عنان: ههههههه
البرادعي: كلنا ماشيين كدة على الله يعني.. دقيقة واحدة هاجيبه لحضرتك...
عنان: ....
البرادعي: أيوة يا فندم
عنان: أيوة يا دكتور
البرادعي: 0102103543
عنان: طب بقول إيه يا دكتور
البرادعي: نعم يا فندم؟
عنان: هل دي سقفهم، ولا هانرجع تاني للمطالب تاني و..
البرادعي: لا ده سقفهم، أنا منا اتكلمت معاهم في ده، ده سقفهم، أنا اتكلمت معاهم، اتكلمت معاهم جامد النهاردة الحقيقة. لأن احنا في حاجات أساسيات، طبعاً ليهم مطالب رفيعة، إنما قلنالهم بقى دي لما يبقى يحصل انتخابات تتصرفوا، أمن الدولة، محاكم عسكرية، ده سقفهم، يعني أنا، علشان كدة أنا قلتهم، ده السقف بتاعهم، في بالنسبة للاعتصامات والاعتقالات، ده السقف، يعني اتكلموا زي ما قلت لحضرتك إن الانتخابات الرئاسية الأولية دي مش حاطنها كشرط، إنما دي..
عنان: أصل دي القانونيين اللي بيقولوها، يعني..
البرادعي: أيوة بالظبط..
عنان: يعني لما حضرتك مشيت من عندنا..
البرادعي: أيوة..
عنان: في مجموعة من الدستوريين والقانونيين كانو جايين يقعدوا معانا بردو.
البرادعي: آيوة..
عنان: قالوا لأ، لازم البرلمانية قبل الرئاسية، وقعدوا يشرحوها قانوناً ودستورياً والحاجات دي كلها.
البرادعي: آيوة
عنان: فهي آراء متباينة في الحتت دي كلها..
البرادعي: والله أنا بردو يعني أكتر من 50 سنة قانوني وأنا إللي خايف منه إن المجلس لو عملنا البرلمان الأول، سيادة الفريق هييجي دستور فيه 50% عمال وفلاحين والستات، يعني هييجي دستور مشوه بصراحة يعني، يعني ده.. أنا مايهمنيش البرلماني أو الرئاسي.. أنا يهمني الدستور، إنه مايبقاش المجلس إللي هو هاينتخب طبقاً للدستور القديم، هو إللي يعمل الدستور الجديد. ده هو دي المشكلة الرئيسية يعني، إنما دي ممكن، طبعاً لو في أي حد قانوني ممكن يتكلم فيها يعني، وحضرتك أكيد مش عاوز الدستور إللي هو فيه بالتعيين، وفيه..
عنان: والله إحنا يهمنا الحاجة تبقى ماشية صح والله..
البرادعي: آه بالظبط كدة، إحنا هانعمل ده..
عنان: احنا توجهاتنا إننا نوصل بالبلد لبر الأمان بشفافية ونزاهة كاملة..
البرادعي: بالظبط كدة.. ونسيب للبلد دستور جيد، وده احنا المستقبل ورانا زي مابيقولوا، المستقبل هو للشباب، فأنا أعتقد إن هو دي مش عشان حكاية الرئيس الأول أو البرلمان الأول. إنما حكاية إننا نضمن إنه مش البرلمان إللى هو فيه 50% عمال وفلاحين والكلام ده، هو إللي هايحط الدستور، فهايحطلي دستور مش سليم، يعني هو دي النقطة الأساسية، في الدستور حضرتك، مش..
عنان: آه.. طيب يا دكتور ماشي..
البرادعي: طيب يا فندم..
عنان: بينا تليفونات إن شاء الله
البرادعي: إن شاء الله يا فندم بإذن الله، وأي حاجة مع حضرتك يعني هنكون على اتصال باذن الله.
عنان: والنمرة بتاعتي مع حضرتك دلوقتي.
البرادعي: أيوة يا فندم، معايا.
عنان: في أي وقت حضرتك تكلمني، تحت أمرك.
البرادعي: الله يخليك وربنا يوفقكوا دايماً بإذن الله.. مع السلامة يا فندم، مع السلامة.