نص كلمة السيسي أثناء تفقده الأعمال الإنشائية لتطوير عدد من الطرق والمحاور 29/4/2021
طيب، وأنا جاي كدة، هتلاقي فيه حديقة عريضة جدًا، والشارع يادوبك حارتين، طب خلوهم أربع حارات عشان الناس تعرف تتحرك، وكدة يعني. فـ.. بحيث إن إحنا بقى دخلنا المنطقة كلها بالكامل، وإيه، نكون خلصناها. يعني دخلنا المنطقة، عملنا للناس اللي موجودة حرية حركة كويسة، وبالمرة بقى مع المحافظة يرفعوا كفاءة الحدائق في بلدنا، وبعدين نشطب الشغلانة.
النقطة التانية هنا، من فضلك، لازم يبقى فيه "جيرس" قوي جدا. أنا خايف حد يكون ماشي بعربيته بسرعة، ينزل إيه.
اللي تحت ده إيه اللي أنا شايفه ده؟ يعني إذا كنتوا... مش كدة.. بس.. حاجة تاني؟ في أي ملحوظة شفتها؟ ابقى اتحرك بنفسك، وروح حوالين الأماكن دي، وقولي وابعتلي حتى مع إيهاب إن إحنا عايزين نرفع كفاءة الطرق دي، نعمل إيه؟ هل نوسع ولا نرصف بس؟ ومع المحافظة هم المسؤولين المرة الجاية، أنا.. مش عايز أقول ع العيد عشان ماظلمهمش.. أنا شايف فيه عربيات ميكروباصات واقفة، لو في موقف، يتعمل موقف مظبوط، لأن ماينفعش إن إحنا نبقى زي ما إحنا كدة في الشوارع.. مش هينفع.
النقطة التانية، شايف في موقف لجراچ لشركة يعني. لأ، اللي عايز يعمل حاجة لا يتعدى على اللي هو الشكل العام. الحدائق اللي موجودة تحترم. عايز تعمل حاجة، تعمل جراج تحت الأرض، دور ولا اتنين، تدخل فيه اللي إنت عايزه، تبقى تحافظ على شكل الحديقة والنظام العام اللي إحنا فيه.
طيب.. حاجة تاني؟ متشكرين. كل سنة وإنت طيب.
السلام عليكم، إزيك؟ رايحين فين؟ دي أختك؟ دي أختك يعني؟ أهلا وسهلا. ودي بنتك؟ ابنك؟ ما شاء الله. حرام عليك كدة، ده خطر جدا، لا فيه خوذة ولا في حاجة... لا.. إنت بتشتغل إيه؟ هه؟ ساكن فين؟ بتكسب كام في اليوم؟ يعني اشرحلي أكتر، اشرحلي أكتر... بالموتوسيكل ده ولا موتوسيكل من عندهم.. موتوسيكلك إنت... عايز حاجة؟ صحيح؟ والعيال؟ عايزين حاجة؟ صحيح؟ عشان خاطر الولد ده (يبتسم الرئيس) كل سنة وإنتو طيبين.
تحدث الرئيس خلال تفقده للأعمال الإنشائية لتطوير عدد من الطرق والمحاور في شرق القاهرة، وأثناء توقفه ليتحدث مع مجموعة من المواطنين، كانوا يستقلون دراجة بخارية، قالت رئاسة الجمهورية إنهم تواجدوا أثناء مرور موكبه "مصادفة".