نص كلمة السيسي إلى القيادات الشابة بميناء الإسكندرية "كام واحد بيدخن سجاير؟" 7/9/2021
طب تفتكر الفكرة بتاعة العنصر البشري، ده موضوع مستمر، مستدام يعني، ولا هو المرحلة التمهدية اللي إحنا عملنا فيها الشغل ده، وخلاص بعد كده؟ طيب كويس.
طيب أنا هاسأل سؤال للشباب يعني.. كام واحد بيدخن منكوا؟ بصراحة؟ كم حد، كم منكم بيدخن.. بيدخن.. سجاير.. ولا حد؟ بصراحة؟ هو أنا مش هاعمله حاجة، ولا إيه؟ (يضحك الرئيس).
إوعوا، إوعوا بعد ما تشتغلوا، أنا بكلم الولاد عشان الفتيات حاجة تانية، إوعى حضرتك تسمح إنت نفسك تدخن، ده كلام بسيط يعني، لكن مهم لينا كمواطنين مصريين كلنا يعني مش إنتوا بس، الشباب يعني. التدخين والصحة العامة، نحافظ على..
لسه كنت بتكلم مع الشباب للي راجع، إحنا زودنا المدة من 3 أشهر ليكوا ل 6 شهور، بس مش إنتوا، مش هايتطبق عليكوا، مش كده؟ إنتوا خلاص خلصتوا، لا مش فاقد ولا حاجة، يعني إنتوا خلصتوا يعني. لكن إحنا عاملين حسابنا 6 شهور، والهدف منه زي ما إنتوا شوفتوا إن إحنا نعمل بس صياغة لفهم جديد، أو فهم إضافي على الفهم اللي موجود.
ثم كمان يعني تجهيز الناس على مهنة عايزة جدية وانضباط والتزام، وحاجات كتير زي كدة... في حد رافع إيه، اتفضل.
...
ربنا يوفقكوا. وأنا عايز أقولكم. الشباب اللي قدامي ده والشابات اللي موجودين، هو ده المستقبل بتاع مصر. وإحنا بنحط يعني نعمل خط، وإنتوا هاتكملوا المسيرة كلها، بجهدكوا بعلمكوا، بفكركوا، وبالمبادرة اللي هاتعملوها.
يعني أنا اللي أنا عايز أقوله، كل إنسان منكوا مشروع كبير، كل إنسانة منكوا مشروع كبير قوي. إوعى، يعني تـ.. مش عارف التعبير ده هايبقى مناسب إن أنا أقوله.. إوعى متعرفش إنت مين أو متعرفيش إنتي مين. إنتوا حاجة كبيرة قوي. إنتوا شباب مصر ده، حاجة كبيرة قوي، ده الأمل كله.
وإحنا عايزين اللي بنعمله ده إذا كنا بنقول ناخد الناس في مكان زي الكلية أو معهد ضباط الصف، هو الهدف منه بس إن إنتوا نديكوا فرصة تتعرفوا على بعض، نديكوا فرصة إن إنتوا تتعرفوا على الدولة بشكل مختلف شوية أو إضافي على اللي تعرفوه. نديكوا فرصة إن إنتوا تتعودوا على شكل من العمل، يمكن طبيعة الحياة المدنية خلال السنين اللي فاتت في الدراسة والكلام ده يعني لم تعطيكوا الفرصة، نديكوا الفرصة إن إنتوا تلعبوا شوية رياضة، عشان ده مهم جدًا.
لو إنت النهاردة مهندس أو مهندسة على أعلى درجة علمية، ولكن لياقتك الصحية أو البدنية، يعني كده، مش هاتقدر تكمل، هاتشتغلك 5 سنين 10 سنين وبعد كدة خلاص، يلا بقى.. لا، وعشان كده راقبوا نفسكوا، وانتبهوا كويس قوي، وعلموا الكلام ده للمحيطين بيكوا.. وعلموا الكلام ده إن شاء الله لأسركم وأولادكم بعد كده.
بالتوفيق وأنا سعيد إن أنا يعني شفتكم، وإن شاء الله نسمع عنكم، وهاجيلكم إن شاء الله...
...
ألقيت الكلمة في الإسكندرية، أمام طلبة وطالبات القيادات الشابة بميناء الإأسكندرية.
...