على هامش الاحتفال بافتتاح الطريق الدائري الإقليمي. المتحدث الرسمي لرئاسة الجمهورية- فيسبوك

نص كلمة السيسي في افتتاح مشروع الطريق الدائري الاقليمي 9/9/2018


كل إللي بيشتغل في الموضوع ده هي شركات قطاع عام أو قطاع خاص، بس الغالبية منها قطاع خاص يعني.

أنا طبعًا آآ، اسمحيلي حضرتك، أنا بشكل طبعًا الـ، وزراة النقل والحكومة والقوات المسلحة على الجزء اللي تم افتتاحه النهاردة، وأرجو إن إحنا يعني، النقاط اللي احنا اتكلمنا فيها الهدف منها فقط إن إحنا الجودة والكفاءة اللي احنا عملناها ديت مايبقاش أبدًا في أي حاجة تعكر آآ الكلام يعني، إللي إحنا عاملينه.

أنا اتكلمت عن التعديات وأرجو إن إحنا وإحنا شايفين كدة، وأنا بكلم المحافظين وبكلم وزارة الري. هتلاقوا إن الترع إللي موجودة دي بالكامل حجم ورد النيل إللي موجود فيها، وحجم الأعشاب إللي موجودة فيها دي بتستهلك كميات من الميه.

والمفروض إن الكلام ده كله يتم ازالته، يتم ازالته من خلال المحافظة ومن خلال وزارة الري، المعنية وزارة الري مافيش كلام، المعنية وزارة الري، لكن لا يمكن أبدًا إن إحنا كمسؤولين في الحكومة وكمحافظين في الدولة هنا وحتى كأهالي إن إحنا نسمح إن حجم ال، حجم ال، الزراعات اللي هي بتطلع وبتستهلك كمية كبيرة جدًا، إحنا بنتكلم في أكتر من 40، 50 ألف كيلو من الترع والمصارف موجودة في مصر.

تصوروا لو النهاردة حجم الزراعات إللي موجودة دي، إللي هي زراعات مابنستافدش منها بحاجة، تاخد قد إيه ميه، طب من فضلكم سواء كانت جسور الترع أو الترعة نفسها، يعني نهتم ونشـ، وده كان المفروض إن زمان، من سنين طويلة فاتت، كان الكلام ده بيتم ازالته سنويًا عشان تفضل شبكة الري وشبكة الصرف بكفاءة عالية ومانستهلكش مية آآ في هذه الزراعات.

أنا اتكلمت عالطرق القديمة والكلام ده اتكلمته على سواء كان على مستوى المحافظات داخل المحافظات أو داخل، أو الربط بين المحافظات أو الطرق الجديدة، مش هاتكلم عالطرق الجديدة، ولكن خليني أقول إن إحنا كمان محتاجين إن تطلع لجنة تاخد شهر أو أكتر تراجع شبكة الطرق القديمة الموجودة في الدولة، وكفائتها، وتحطنا في الصورة، اللجنة دي من الإسكان ومن النقل ومن الهيئة الهندسية ومن الكلية الفنية ومن الرقابة الإدارية، وفي خلال شهر تقولنا إحنا فين، وتكلفة رفع الكفاءة دي هاتحتاج مننا قد إيه؟

إللي تقدر المحافظات تعمله وإللي نقدر إحنا نعمله، بحيث إن إحنا نعمل نقلة في حياة الناس، أنا مش بتكلم على شبكة الطرق الجديدة، أنا بتكلم على القديم، غير حتى إللي مخططاه الدولة إنها ترفع كفاءته خلال العام المالي ده، لا أنا بتكلم أكتر داخل، وزي ما قلت كدة إن في ناس كتير جدا بتشتكي من آآ زي ما قال الشاب كدة، قالك تهالك الشبكة القديمة، لأ إحنا مش هانسيب حاجة اسمها متهالكة، طب هانعمل إيه؟ مش عارف، مش عارف، أنا مش عارف، لكن لازم نعملها، ومانسيبش كدة، ومانخليش حد عربيته تتكسر، أو عجلته ولا الموتوسيكل إللي راكبه يتبهدل كدة، لا طبعًا.

باتكلم على كل الكباري إللي أكتر من 10 سنين، نتأكد وناخد شهادة من اللجنة دي بإن الكباري دي صالحة ومافيش فيها أي مشكلة، أو فيها مشكلة نعالجها يعني

وبالتالي أنا عايز خلال شهر ماعرفش شهر ده كتير ولا مش كتير، لكن خلال شهر ناخد تمام بالموقف بمنتهى الأمانة، وبالمناسبة، أنا هاعرضه كدة، هاعرضه قدام الناس في مصر كدة، إحنا شايفين كلنا، ده إحنا وأنا آآآ، ده أنا منكوا، وكنت عايش في الكلام ده وشايفه وعارفه كويس، بس إحنا مش هانسيبه كدة.

بردو زي ما اتكلمنا عن كدة يبقى اللجنة دي ويمكن تكون بردو من ضمن مادام بتبص، تراجع لي الكباري اللي عمرها أكتر من 10 سنين وتتأكد من مستوى الكفاءة والصيانة اللي فيها والسلامة اللي موجودة فيها. الكباري إللي أكتر من 10 سنين من فضلكوا الكلام ده كنت أنا قلته من 4 سنين في بداية ال آآ، في بداية الفترة الأولى وقلت يا جماعة بصوا على الكباري، وكنت بقصد بيه ساعتها الكوبري بتاع، إللي هو ال، إللي جاي بتاع شارع آآ، رمسيس إللي هو معلق يعني، على أساس إن هو ليه ظروف آآ..

فأنا باتكلم على كل الكباري إللي أكتر من 10 سنين، نتأكد وناخد شهادة من اللجنة دي بإن الكباري دي صالحة ومافيش فيها أي مشكلة، أو فيها مشكلة نعالجها يعني.

آآ أنا اللي فهمته من اللوا حسن وكمل لي يا كامل الكلام، إن الدايري الأوسطي لغاية محور الضابعة إللي إنتوا قلتوا عليه، 30/6/19 ولا إيه؟

كامل: إن شاء الله يا فندم.

السيسي: يعني ده الأوسطي كله؟

كامل: بكل كباريه بكل قطاعاته ان شاء الله سواء بتاعتنا أو إللي شغال فيها وزارة الإسكان.

السيسي: 30/6/19

كامل: إن شاء الله يا فندم.

السيسي: حتى الكوبري بتاع المقاولين.

كامل: إن شاء الله يا فندم.

السيسي: طيب ماشي.. طيب وإحنا روض الفرج قلنا آخر لاسنة دي؟

كامل: إن شاء الله يا فندم آخر 12 سيادتك هانفتح تشغيل تجريبي ناخد سيادتك شهر أو 45 يوم تشغيل تجريبي وتظبيط للمرور نبقى جاهزين للافتتاح إن شاء الله.

السيسي: طيب ماشي.. شكرًا يا كامل.

أنا بشكر كل اللي شاركوا معانا النهادرة في الأعمال إللي إحنا افتتحناها وإن شاء الله خلال الفترة بردو إللي إحنا الأيام إللي جاية والأسابيع إللي جاية هايبقى في افتتاحات لمشروعات أخرى بتأكد بس إن إحنا ماشيين على الطريق السليم وإن إحنا كدولة، أنا بتكلم مش حد تاني، الدولة هي إللي بتعمل، الدولة متمثلة في الحكومة، متمثلة في وزاراتها، حتى لو كانت النهاردة القوات المسلحة بتساهم، فهي بتساهم في إطار إنها جزء من الدولة المصرية، جزء من الدولة المصرية.

أنا بشكر الجميع وبتمنى لكم التوفيق وأرجو إن إحنا معدلات عملنا في المحاور إللي إنتوا قلتوا عليها اللي هم استكمال الـ 10 اللي على النيل، إحنا مش عايزين آآ حاجة نقول على 30/6/20، 30/6/20، زي ما وعدت الدولة، قلتلكوا 30/6/20 هانقدملكوا دولة بشكل مختلف خالص آآ غير اللي كانت موجودة فيه.

وده جهدكوا، ده جهد المصريين وجهد الحكومة، ماحدش بيعمل حاجة لوحده، ده الناس إللي بتعمل، وده أمر مهم قوي إن إنتوا تعرفوه، إللي بيعمل الكلام ده ولاد مصر، العمال إللي موجودين والمهندسين في الشركات ديت، دول ولاد مصر. فمحدش بيعمل الكلام ده إلا إنتم، وبالمناسبة، كل إللي بيشتغل في الموضوع ده هي شركات آآ قطاع عام أو قطاع خاص، بس الغالبية منها قطاع خاص يعني.

شكرًا جزيلًا، شكرًا.


خدمة الخطابات الكاملة للرئيس؛ تقدمها المنصة في هذا الرابط


القيت الكلمة بحضور رئيس الوزراء الدكتور مصطفى مدبولي، والفريق أول محمد زكى القائد العام للقوات المسلحة وزير الدفاع والإنتاج الحربى، ورئيس مجلس النواب الدكتور على عبدالعال، ووزير النقل الدكتور هشام عرفات وعدد من الوزراء وكبار رجال الدولة.