• الرئيسية
  • انشئ قصة
  • انشئ تقريرا
  • أنشئ مصدر
  • بحث
  • قصص
  • تقارير
  • المصادر
  • أقسام
  • دعم و مساعدة
  • عن الموقع
  • تسجيل الدخول
  • مناهضة التحرش والتمييز
  • عن المنصة
  • كتاب الأسلوب
سياسة

نص حوار السيسي الخاص مع الإعلامية الشابة زوريال إدوالي 6/11/2018

أحمد الصادق ● نوفمبر 08 2018
0 
شارك
  • شارك على فيس بوك
  • شارك على تويتر
  • شارك على جوجل+
تابع القصة1


إدوال: شكرًا سيدي الرئيس على إعطائي فرصة الحديث معك. كيف حالك سيدي؟

السيسي: أنا بخير، و آآ وبرحب بيكي وسعيد جدًا، يعني، بهذه المهارة وهذه الملكات في السن، الـ آآ، سن الشباب ده. فأنا بهنيكي وسعيد بيكي، ودي رسالة جميلة للشباب والشابات في العالم كله.

إدوال: شكرًا جزيلًا، أنا أقدر ذلك. والآن لدي بعض الأسئلة لمعاليك. أفريقيا تمر بعصر النهضة، وقاداتها يتولون زمام الأمور، وأنا سمعت بالفعل قصص نجاح من رؤساء بلدان، ككينيا ورئيس تانزانيا ورئيس موزمبيق ورئيس نيجيريا. وتحدثوا عن تغييرهم لبلدانهم. والآن حان الوقت للاستماع لقصة مصر. معاليك، كرئيس مصر، هل يمكن أن تقول لنا كيف تعمل على تحويل هذا المجتمع الكبير المتنوع؟

السيسي: احنا في مصر أآآ لينا قصة آآآ بنسميها حكاية وطن يعني، الحكاية هنا في مصر مش حكاية قيادة ومش حكاية حكومة. الحكاية في مصر حكاية شعب، الشعب ده آآآ أصر على إن هو يغير الواقع بتاعه، و آآآ لواقع أفضل، المهم وإن هو وهو بيتحرك في ده، كان مستعد يدفع تمن آآ تمن التـ، التطوير، تمن التقدم، و.. ويتحمل المشاق اللي حتترتب على على كده.

الشعب ده رفض ال آآآ الفاشية، ورفض آآآ التمييز على أساس ديني، ورفض التطرف، ورفض الغلو، واتحرك بالملايين، عشان يقول احنا مش ممكن أبدًا نبقى دولة، غير دولة محبة لنفسها، ولشعبها، وللعالم كله.

ويمكن حتى احنا المؤتمر اللي احنا بندعوا فيه شباب العالم ده، هي رسالة سلام من كل المصريين من شباب مصر للعالم كله، لشباب العالم كله، على إن الشعب المصري شعب سلام وأمان واستقرار، شعب محب للآخرين، لكل الآخرين.

فاللي أنا عايز أقوله إن المصريين هم الحكاية الكبيرة، مش أي حد تاني، البرنامج كله هما اللي عملوه المصريين، وتحملوا وبيتحملوا. النهارده احنا بنتكلم على إجراءات اتعملت خلال 4 سنين وشوية، 4 سنين تقريبًا، لكن خلال الـ4 سنين دول المصريين عملوا جهد جبار في كل المجالات. في كل المجالات. في مواجهة التطرف والغلو والإرهاب، في إعادة بناء الوطن، في التنمية، آآآ في حل المشاكل اللي بقالها سنين طويلة في مصر، وقعدت فترة طويلة وماكنش فيه فرصة لحلها.

ده نجاح، نجاح بنسبة كبيرة جدًا، والاختبار المهم في ده، اللي أكد ده، إن مجموعة اﻹجراءات الاقتصادية، الخطة بتاعتنا في الإصلاح الاقتصادي، لم تكن أبدًا ليتم مرورها بنجاح، أو تحقيق الأهداف بنجاح فيها، إلا بإن المصريين تحملوا كل المصاعب الناتجة عنها.

ما آآآ عايز أقولك ماخرجش أبدًا حد آآ يقول، يعترض على الصعوبات المعيشية الكبيرة اللي صادفت الناس نتيجة هذه الإجراءات.

الكلام اللي أنا عايز أقوله في النقطة دي، السؤال ده وإجابته، هي إن المصريين إرادتهم هي اللي نجّحت اللي احنا، المسار اللي احنا ماشيين فيه. تحملهم. التمن اللي بيدفعوه، هو اللي نجّحنا، أو مازال نجاحنا مبني على إرادة المصريين.

بالمناسبة، في مصر عدد الشباب، أو عدد مَن هم دون سن الاربعين كتير، يعني احنا عددنا تقريبًا 100 مليون، منهم 65 مليون تحت سن الاربعين، شباب كتير. لكن هو مُصّر على إن هو يغير، وبيدفع تكاليف هذا التغيير للأفضل.

فلأ، التفاصيل كتير، مش عايز، يعني أشغل، أشغلكم اللي بيسمع مني، صحيح، لكن أنا أقدر أقول إن الحكاية كلها في كافة مناحي حياتنا في مصر، اتحركنا، والشعب المصري ساند هذا التحرك، وبذل وبيبذل وحيبذل جهود ضخمة جدًا عشان يغير الواقع. والواقع ده بالمناسبة، بقى محل تقدير بين شعوب العالم. المتابعين للشأن المصري بشكل عام عندهم تقدير وإحساس بالجهد اللي اتعمل، وبمدى الإنجاز اللي حققه المصريين، عشان كده مانقدرش نختزل الـ آآآ، النجاح اللي حصل خلال ال4 سنين اللي فاتوا دول، إلا من خلال آآآ، يعني، في حد. ﻷ، هي أمة كاملة، أمة بتتحرك وصامدة، ومصرة على العبور لآفاق رائعة للمستقبل إن شاء الله.

إدوال: هذا رائع، لأنه يظهر قدرة البلد على التوحد.. باعتباري صانعة أفلام صغيرة وعملت في هوليوود، وفي الإعلام الإلكتروني؛ أنا دائمًا أتساءل لماذا أفريقيا غير متواجدة في تصوير وإنتاج الأفلام ذات الميزانية الكبيرة. رئيس غانا ورئيس موزمبيق تحدّثوا إليّ، وسألوني عن إمكانية مساعدة بلدهم. وأنت كرئيس مصر، ولديك معلومات عن جمال بلدك، ما هي الجوانب في مصر التي تريد أن يعرفها العالم من خلال الأفلام ومن خلال السينما؟

السيسي: مصر دولة قديمة جدًا في أعماق التاريخ، و آآآ وبدءً من العصر الفرعوني من أكتر من 5 آلاف سنة، مرورًا بالحقبة بتاع اليونانية، والحقبة الرومانية، والحقبة حتى كمان الإسلامية.. فـ آآآ.. ده تنوع كبير جدًا بتتمتع بيه مصر وعمق حضاري وثقافي كبير جدًا.

اللي أنا عايز أقوله في الـ آآآ، في الإجابة عن هذا السؤال، التحديات اللي قابلت مصر في الفترة اللي فاتت ديت، أبرزها كان الإرهاب والتطرف. وأنا أتصور إن هو بيقابل العامل كله كمان. يعني لما نيجي نشوف الأحداث اللي بتم في كل يوم نجد فيه دولة يحدث فيها أمر من الأمور اللي بتئلمنا كلنا.

الجديد في مصر، اللي أنا أقدر أقول إن هو علامة مضيئة جدًا جدًا، حتخرج من مصر وبتخرج من مصر للعالم كله، هو إن التعايش المشترك بين المصريين وبعضهم البعض. احنا في مصر دلوقتي مانقدرش نقول أبدًا إن احنا، يعني مصري مسلم ومصري مسيحي، مانقدرش نقول كده دلوقتي. بقى ده، يعني، إساءة للنسيج المصري، اللي هو بقى يعتبر نفسه كتلة واحدة.

أنا أتصور إن دي أبرز، يعني احنا أي إنجاز مادي يتعمل، إصلاح اقتصادي، أي شكل من أشكال العمل والإنجازات اللي ممكن تتحقق، أنا أتصور إن أكبر إنجاز موجود، هو الروح اللي موجودة لدى الشعب المصري. أنا بتكلم الشعب المصري، مش بتكلم على نخب ومفكرين ومثقفين، أنا بتكلم على الناس العاديين اللي ماشيين في الشارع، وعندهم هذا الإحساس وهذه الممارسة من محبة الآخر.

وزي ما أنا قلت كدة في بداية الكلام، المؤتمر ده كان هو عبارة عن رسالة زي كدة بردو، إن احنا بنقول للناس، إن احنا لازم نبقى كلنا مع بعض. الأمر الرائع عندنا في بلدنا مصر، إن ده، بقت سمة للشعب المصري كله، إن هو بيحب بعضه، وبيحترم بعضه، وبيحترم الاختلاف والتنوع، سواء كان ديني أو حتى حاجة تانية. ده أنا أتصور إنه ده أكتر حاجة ممكن أسجلها في تقديري أنا كإنسان مصري، مش رئيس لمصر، هي النقطة دي، إن دي نقطة موجودة لدى كل المصريين، بشكل بيتطور كل يوم إيجابيًا عن اليوم اللي قبله، وأتصور إنه ده حيخرج من بلدنا مصر، إلى بقيت العالم كله.

إدوال: أنا أعتقد أن منتدى شباب العالم مبادرة رائعة، وأعتقد أن مما سمعت أن مصر لديها تاريخ كبير يجب أن يُحكى. والآن أفريقيا بها سكان شباب كثيرين، وأيضًا مصر. ما هي الرسالة التي تقدمها معاليك إلى شباب العالم؟ وكيف تود أن تُذكر في التاريخ؟

السيسي: الرسالة اللي ممكن أقولها لأي شاب، مش حتى بس في مصر، ومش بس في أفريقيا.. الشباب هو الأمل، الشباب هو المستقبل، الشباب هو القدرة، وبالتالي؛ الحياة قدام كل الشباب، ولازم إن هو يبقى مدرك لكده، ويعمل من أجل كده. وأبدًا، مهمًا كان في مصاعب، أو عراقيل، لا يفقد الأمل في نفسه، أو في قدرته على إن هو قادر إن هو ينجز ويعمل الأفضل.

وأنا عايز أقول إنه، يعني، حقول مثال ليه؟ ما احنا آآآ، وجودك معانا، والحوار إللي إنتِ بتجريه. أنا مش بجاملك، أنا بتكلم صحيح وبقول لكل اللي بيسمعنا وبيشوفنا، شوفوا. في وسط كل الظروف الصعبة الموجودة في أفريقيا، وموجودة في مصر بردو، هي الظروف الصعبة موجودة في كل بلادنا على كل حال، ولكن في شباب بيصر على إن هو يغير وينجح، ويبذل جهد ويحلم، ويحقق حلمه.

اللي أنا عايز أقوله لشبابنا، كل شبابنا، آآآ في أفريقيا وفي مصر: الأمل فيكم وليكم، الأمل فيكم وليكم، إوعوا أبدًا تفقدوا ثقتكوا بأنفسكم، ولا بالمستقبل اللي إنتوا ممكن تحققوه. بس دايمًا الأمر محتاج جهد وصبر، جهد وصبر.

أتمنى الناس تفتكرني بإيه؟ تفتكرني بإن أنا قدمت عمل صالح، عمل طيب، لشعبي، وللبشرية كلها. ده اللي أنا بتمنى إن هم يتذكروني بيه.

إدوال: شكرًا. أعتقد أن هذه الكلمة كانت ملهمة. هل يوجد أي شيء آخر تريد أن تضيفه، أو تقوله بخصوص أي موضوع؟

السيسي: أنا الحقيقة آآآ، لخصت الكلام كله في آآآ في إن احنا في مصر هنا دولة سلام ومحبة، وحريصة على إن هي آآآ تبرز وتصدر للعالم كله الأمن والسلام والمحبة بين الناس وبعضها.

إدوال: مجددًا، شكرًا سيدي الرئيس لإعطائي الفرصة للحديث معك، لقد كان هذا شرف كبير. سيدي، معي كتاب، أريد أن أهديه لك، ففي أمريكا هناك ناشر وهو يكتب عن الناس الذين يعيشون معيشة ملهمة، وأنا كنت سعيدة بقراءة هذا الكتاب، وسأهديه إليك. وإذا فتحت الكتاب، في الصفحة الأولى رسالة لك.

السيسي: That's your words? That's you? Thank you very much.

إدوال: Thank you very much, Mr. President,

السيسي: I appreciate that, thank you.

إدوال: Thank you.

...

دار الحوار في مدينة شرم الشيخ، على هامش فاعليات منتدى شباب العالم.

  • تحديثات
  • مشاركات
آخر تحديث 6:36م on نوفمبر 08, 2018 القاهرة، مصر

وسوم

  • نص حوار السيسي الخاص مع الإعلامية الشابة زوريال إدوالي
  • خطابات الرئيس
  • خطابات السيسي
  • حوار الرئيس
  • منتدى شباب العالم

الأكثر انتشارا

  • خضروات أكثر وسكر أقل: أشياء هامة لعبور متلازمة ما قبل الدورة الشهرية بسلام

  • ساعات مع "جريندر".. مغامرة في تطبيق مواعدة المثليين

مزيد من القصص في سياسة

  • في انتظار التنفيذ: القضاء الإداري يلغي قراري غلق وسحب تراخيص مركز النديم

    صفاء سرور
    1ي
    0 
    في انتظار التنفيذ: القضاء الإداري يلغي قراري غلق وسحب تراخيص مركز النديم
  • نص كلمة السيسي أمام منظمة التعاون الاقتصادي والتنمية 20/1/2021

    أحمد الصادق
    2ي
    0 
    نص كلمة السيسي أمام منظمة التعاون الاقتصادي والتنمية 20/1/2021
  • طلبه الأمن الوطني ولم يظهر: 13 يومًا على اختفاء الصحفي أحمد خليفة

    هبة أنيس
    3ي
    0 
    طلبه الأمن الوطني ولم يظهر: 13 يومًا على اختفاء الصحفي أحمد خليفة
  • يوميات صحفية برلمانية| المجلس يستدعي الحكومة.. والمعارضة "البناءة" تستهدف هالة زايد

    صفاء عصام الدين
    يناير 17
    0 
    يوميات صحفية برلمانية| المجلس يستدعي الحكومة.. والمعارضة "البناءة" تستهدف هالة زايد

مزيد من القصص في خطابات السيسي

  • سياسة نص كلمة السيسي أمام منظمة التعاون الاقتصادي والتنمية 20/1/2021

    أحمد الصادق
    2ي
    0 
    نص كلمة السيسي أمام منظمة التعاون الاقتصادي والتنمية 20/1/2021
  • سياسة نص كلمة السيسي في استقبال الرئيس والمدير العام التنفيذي لشركة سيمنز 13/1/2021

    أحمد الصادق
    يناير 14
    0 
    نص كلمة السيسي في استقبال الرئيس والمدير العام التنفيذي لشركة سيمنز 13/1/2021
  • رياضة نص كلمة السيسي في افتتاح بطولة كأس العالم لكرة اليد 13/1/2021

    أحمد الصادق
    يناير 14
    0 
    نص كلمة السيسي في افتتاح بطولة كأس العالم لكرة اليد 13/1/2021
  • سياسة نص كلمة السيسي أثناء تهنئة البابا تواضروس الثاني بعيد الميلاد 6/1/2021

    أحمد الصادق
    يناير 9
    0 
    نص كلمة السيسي أثناء تهنئة البابا تواضروس الثاني بعيد الميلاد 6/1/2021

مزيد من القصص في خطابات الرئيس

  • سياسة نص كلمة السيسي ومداخلاته في المائدة المستديرة ضمن فاعليات مؤتمر الاستثمار في أفريقيا 23/11/2019

    أحمد الصادق
    5 ديسمبر 2019
    0 
    نص كلمة السيسي ومداخلاته في المائدة المستديرة ضمن فاعليات مؤتمر الاستثمار في أفريقيا 23/11/2019
  • سياسة نص كلمة السيسي خلال قمة تيكاد السابعة باليابان 28/8/2019

    أحمد الصادق
    29 أغسطس 2019
    0 
    نص كلمة السيسي خلال قمة تيكاد السابعة باليابان 28/8/2019
  • سياسة كلمة السيسي في افتتاح ملتقى الشباب العربي الأفريقي 16/3/2019

    أحمد الصادق
    17 مارس 2019
    0 
    كلمة السيسي في افتتاح ملتقى الشباب العربي الأفريقي 16/3/2019
  • سياسة نص كلمة السيسي فى افتتاح كاتدرائية ميلاد المسيح 6/1/2019

    أحمد الصادق
    6 يناير 2019
    0 
    نص كلمة السيسي فى افتتاح كاتدرائية ميلاد المسيح 6/1/2019

مزيد من القصص في منتدى شباب العالم

  • سياسة نص كلمة السيسي خلال جلسة "الذكاء الاصطناعي والبشر.. من المتحكم؟" 16/12/2019

    أحمد الصادق
    16 ديسمبر 2019
    0 
    نص كلمة السيسي خلال جلسة "الذكاء الاصطناعي والبشر.. من المتحكم؟" 16/12/2019
  • سياسة نص كلمة السيسي خلال جلسة "التحديات الراهنة للأمن والسلم الدوليين" 15/12/2019

    أحمد الصادق
    15 ديسمبر 2019
    0 
    نص كلمة السيسي خلال جلسة "التحديات الراهنة للأمن والسلم الدوليين" 15/12/2019
  • سياسة نص كلمة السيسي في افتتاح منتدى شباب العالم في نسخته الثالثة 14/12/2019

    أحمد الصادق
    15 ديسمبر 2019
    0 
    نص كلمة السيسي في افتتاح منتدى شباب العالم في نسخته الثالثة 14/12/2019
  • سياسة نص كلمة السيسي في جلسة مستقبل البحث العلمي وخدمات الرعاية الصحية 17/3/2019

    أحمد الصادق
    17 مارس 2019
    0 
    نص كلمة السيسي في جلسة مستقبل البحث العلمي وخدمات الرعاية الصحية 17/3/2019
  • تدوينة منالمنصة
  • بدعم من Checkdesk
  • بيان التحقق من صحة المعلومات
  • شروط الاستخدام
  • عن Checkdesk