نص كلمة السيسي أثناء تفقد العمل بامتداد طريق وصلة أم القمر 8/10/2021
متشكرين.. إنتوا هاتخلصوا على شهر 11.. ربنا يوفقكوا.. متشكرين.
بص، إنتم، وأنا جاي على طريق السويس دلوقتي، شوفت الحركة كتير قوي، ما هو من دلوقتي، طالما إن إحنا هانعمل كدة، طب ماتشوفوا إذا كنتوا تعملوا كوبري من هنا، وتعملوا حسابكوا إن الطريق بتاع السويس هايبقى، هايتعرض في المنطقة دي بالكامل.
الدايري.. ماهو ليه بقولك كدة؟ لأن إنتوا الدايري، لما تيجي تعمل التوسعة، هاتعدي من بعديه. فإنتوا فكروا إن إحنا نخلي الوصلة دي من أول الإسماعيلية الزراعي، لغاية السخنة، خلاص إنتوا عملتوا كباري في كل حتة، حررتوه.. إلا الحتة دي.. ها؟ طيب.
عموما أنا بشكركم، وبشكر الناس اللي اشتغلت معاكوا في المشروع ده. وهنا اللي أنا بقوله بس عشان الناس أكيد هاتشوف الكلام ده في مصر.. ده التكلفة المالية هنا ضخمة جدا عشان تشق طريق زي كدة لخدمة الحركة والمحاجر والنقل اللي هايتم عليه.
عموما في جميع الأحوال يا أحمد، عندكوا نسخة من التوثيق، لكل مشاريعنا، تحفظ عندكوا عشان التفريغ، وعشان لو احتاجناها في وقت من الأوقات.
ألقيت الكلمة على امتداد طريق وصلة أم القمر الذي يربط بين طريقي القاهرة- الإسماعيلية، والقاهرة- السويس، بحضور المهندسين المشرفين على المشروع.