• الرئيسية
  • انشئ قصة
  • انشئ تقريرا
  • أنشئ مصدر
  • بحث
  • قصص
  • تقارير
  • المصادر
  • أقسام
  • دعم و مساعدة
  • عن الموقع
  • تسجيل الدخول
  • مناهضة التحرش والتمييز
  • عن المنصة
  • كتاب الأسلوب

الرئيس السيسي خلال جولته التفقدية- الصورة: المتحدث الرئاسي

سياسة

نص كلمة السيسي أثناء تفقده أعمال تطوير عدد من الطرق والمحاور بالقاهرة 8/4/2022

أحمد الصادق ● أبريل 14 2022
0 
تابع القصة1

مهندس 1: سيادتك بردو يا فندم صدقت على ربط محور الدكتور صلاح الشاذلي في متحف الحضارات، محور الدكتور ياسر رزق، بحيث يا فندم يبقى جيبنا الحركة المرورية من مناطق كورنيش النيل والقاهرة القديمة وربطناها بمحور ياسر رزق، ثم بنتجه يا فندم شرقًا.

السيسي: وجيبنا من الغرب للشرق.

مهندس 1: بالظبط كدا يا فندم.

السيسي: وده أول مرة تشتغلوا على المقطم في المنطقة الجبلية ديت.

مهندس 1: بالظبط يا فندم.

السيسي: وهاتربطوا المقطم من فوق، مش كدا بردو؟ مش كدا؟

مهندس 1: بإذن الله يا فندم. سيادتك صدقت بردو يا فندم على تطوير كورنيش المقطم معانا، فلذلك يبقى ربطنا الكورنيش بمحور الدكتور ياسر رزق، والحركة المرورية كلها من مناطق كورنيش النيل ثم وسط القاهرة فشرق القاهرة فحتى القاهرة الجديدة يا فندم.

السيسي: إحنا هانخلص الجزء الرابط ما بين الدكتور صلاح الشاذلي وياسر رزق إمتى؟

مهندس 1: إحنا يا فندم بندقق الدراسة نتيجة للطبيعة المنطقة الجبلية يا فندم وجاري العرض لسيادتك.

السيسي: تمام.. كنت أنا قلت ادرسوا حاجة كدا جوا المقطم فوق نفسه.

مهندس 1: بالظبط يا فندم.

السيسي: اللي هو محور موازي تاني لمحور شارع 9.

مهندس 1: سيادتك صدقت وبنبدأ ندرس بردو ربط محور ياسر رزق إن إحنا نوصل بيه لحد جيهان السادات.

السيسي: إحنا لو عملنا كدا هانخفف على صلاح سالم خالص.

مهندس 1: بالظبط يا فندم.

السيسي: ويبقى أي حد جاي من القلعة وجاي من السيدة عيشة والكلام ده، يبقى الموضوع بالنسبة له سهل خالص.. شرق وغرب يعني.

مهندس 1: تمام يا فندم.

...

8:28

السيسي: طب أنت، خليني بس هنا أرجع للكوبري ده (كوبري تقاطع محور المشير طنطاوي مع محور الدكتورة سميرة موسى)، لأن ده هايربط الشمال بالجنوب بشكل كبير قوي. فإنتوا هنا، لو أنا النهارده جاي من، يعني، من شارع جمال محمد علي وعايز أخش على محور المشير، أخش إزاي؟

مهندس 2: إحنا يا فندم عاملين صواني بتحقق دواير الدوران، بحيث إن أنا أقدر يا فندم ألف وأرجع وآخد دواير الدوران يا فندم من الصواني اللي على المحور يا فندم.

السيسي: وأنت عامل نفس الكلام هنا.

مهندس 2: وعامل صواني يا فندم على مسار المحور بالكامل، أقدر يا فندم آخد الطرق العرضية اللي بالكامل دي كلها يا فندم.

السيسي: طب أنتم من خلال تواجدكم هنا بردو، وده السؤال اللي دايما بسأله لكوا، في حاجة شايفينها ممكن نعملها و.. تقترحوها؟

مهندس 1: إحنا يا فندم.. استكمالا يا فندم للي سيادتك بتوجه بيه يا فندم إن إحنا بردو طورنا الطريق مثلا زي المشير محمد علي فهمي ووسعناه، وكل الطرق اللي بندخل فيها بنوسعها و5 حارات مرورية زي ما سيادتك أمرت. بحيث كل الطرق اللي بنشتغل يمينها وشمالها، بنوسع اللي موجود ل 5 حارة مرورية.

السيسي: ما إحنا اتفقنا على حتة إن الكتلة دي كلها بالكامل إن إحنا هانعمل فيها كدا.

مهندس 1: تمام يا فندم.

السيسي: لكن إحنا بنتكلم وإنتوا ده كل ده متخطط. أنا بتكلم في تخطيط جديد.

مهندس 1: تمام يا فندم.

مهندس 2: بالفعل يا فندم كان بردو توجيه سيادتك في النقطة ديت، إحنا جينا يا فندم في المنطقة لما سيادتك أمرت بربط محور حسب الله الكفراوي يا فندم منطقة الأسمرات بمنطقة المقطم، وربط المنطقة دي كلها بمناطق شرق القاهرة يا فندم، إحنا عملنا جاري تنفيذ سيادتك صدقت الكوبري حاليا يا فندم بدأنا لسه بادئين فيه دلوقتي اللي بيربط يا فندم محور اللواء عمر سليمان، ويعبر صينية المقطم يا فندم عند شارع 9 بالمقطم عشان يربط بمنطقة حسب الله الكفراوي. الكوبري ده يا فندم هيحرر فعلا الزحمة اللي كانت بتحصل عند منطقة المقطم، ودي نقطة يا فندم سيادتك كنت أمرت بيها نتيجة يعني دراسة المنطقة.السيسي: وإنتوا بردو لو في أي حاجة تاني أول بأول كدا وإنتوا موجودين في المنطقة ابعتوا المقترح للهيئة الهندسية وهم هايعملوه. متشكرين. كل سنة وإنتوا طيبين. عايزين تقولوا حاجة تاني؟ متشكرين، شكرا جزيلًا.


ألقيت الكلمة في القاهرة، أثناء تفقد الرئيس الأعمال الإنشائية لتطوير عدد من الطرق والمحاور بالقاهرة الكبرى، أمام عدد من المهندسين المشرفين على المشاريع.


خدمة الخطابات الكاملة للسيسي تجدونها في هذا الرابط

  • تحديثات
  • مشاركات
آخر تحديث 10:52ص on أبريل 14, 2022 القاهرة، مصر

وسوم

  • خطابات السيسي

الأكثر انتشارا

  • "الاستمتاع بالمقاومة": ما عجزت السلطات عن سلبه من علاء عبد الفتاح

  • عَ السريع| بريطانيا: نمارس ضغطًا كبيرًا في "قضية علاء".. وليلى سويف تزوره في السجن

  • بطانة الرحم المهاجرة: آلام يتجاهلها الأطباء أحيانًا

  • اختراع المشي: أهرب من قلبي أروح على فين؟

مزيد من القصص في سياسة

  • ما بعد الحرية: حوار مع رامي شعث عن استقلال مصر وفلسطين

    صفاء سرور
    1سا
    0 
    ما بعد الحرية: حوار مع رامي شعث عن استقلال مصر وفلسطين
  • انقلاب على الإصلاح الزراعي: الشرطة لا تسدد ديونها

    محمـد عادل
    1ي
    0 
    انقلاب على الإصلاح الزراعي: الشرطة لا تسدد ديونها
  • نص كلمة وتعليقات السيسي خلال افتتاح مشروع مستقبل مصر للإنتاج الزراعي 21/5/2022

    أحمد الصادق
    4ي
    0 
    نص كلمة وتعليقات السيسي خلال افتتاح مشروع مستقبل مصر للإنتاج الزراعي 21/5/2022
  • #هاشديسك| #نقرا_مع_علاء عبد الفتاح: ترشيحات كتب لـ "التنين البمبي"

    عمرو سالم
    4ي
    0 
    #هاشديسك| #نقرا_مع_علاء عبد الفتاح: ترشيحات كتب لـ "التنين البمبي"

مزيد من القصص في خطابات السيسي

  • سياسة نص كلمة وتعليقات السيسي خلال افتتاح مشروع مستقبل مصر للإنتاج الزراعي 21/5/2022

    أحمد الصادق
    4ي
    0 
    نص كلمة وتعليقات السيسي خلال افتتاح مشروع مستقبل مصر للإنتاج الزراعي 21/5/2022
  • سياسة نص مداخلة السيسي مع الإعلامية عزة مصطفى في برنامج صالة التحرير 10/5/2022

    أحمد الصادق
    مايو 17
    0 
    نص مداخلة السيسي مع الإعلامية عزة مصطفى في برنامج صالة التحرير 10/5/2022
  • سياسة نص كلمة السيسي خلال احتفالات عيد الفطر المبارك 2/5/2022

    أحمد الصادق
    مايو 7
    0 
    نص كلمة السيسي خلال احتفالات عيد الفطر المبارك 2/5/2022
  • سياسة نص كلمة السيسي بمناسبة الاحتفال بعيد العمال 1/5/2022

    أحمد الصادق
    مايو 7
    0 
    نص كلمة السيسي بمناسبة الاحتفال بعيد العمال 1/5/2022
  • تدوينة منالمنصة
  • بدعم من Checkdesk
  • بيان التحقق من صحة المعلومات
  • شروط الاستخدام
  • عن Checkdesk