جانب من اللقاء - صفحة المتحدث الرسمي لرئاسة الجمهورية

نص حديث السيسي مع طلاب المدرسة الابتدائية بقرية الحصص 1/12/2022

منشور الخميس 8 ديسمبر 2022 - آخر تحديث الخميس 8 ديسمبر 2022

 

(الرئيس يدخل المدرسة)

مديرة المدرسة: إحنا النهار ده يا فندم في قرية الحصص، مركز شربين. قرية الحقق تعتبر من أعلى نسب التنفيذ في قرى حياة كريمة في المرحلة الأولى من المبادرة الرئاسية حياة كريمة.


(في حوش المدرسة)

الأطفال: تحيا مصر.. مصر.. مصر.. تحيا مصر.

السيسي: إنتي اسمك إيه؟

إحدى الأطفال: أمينة.

السيسي: أمينة، وإنتي؟

إحدى الأطفال: ميرنا.

السيسي: ميرنا اسم جميل.

إحدى الأطفال: إيمان.

السيسي: إيمان اسم جميل.

إحدى الأطفال: زهرة.

السيسي: زهرة اسم جميل.

ها أتصور معاكوا تعالوا جنبي... باي باي.. كله ها ياخد (يوزع عليهم الورود)


(الرئيس يدخل المبنى)

مديرة المدرسة: النهار ده دي مدرسة الحصص الابتدائية يا فندم بتخدم حوالي 606 طالب من الطلاب بـ12 فصل.


(داخل أحد الفصول)

السيسي: (للطلاب) مبسوطين؟

الأطفال: آه.

السيسي: بتاكلوا كويس؟

الأطفال: آه.

السيسي: صحيح.. شكلك بتاكل كتير إنت (يضحكون) إوعى تزيد، إوعى.. وتلعب رياضة على طول.. وإنت اسمك إيه؟

أحد الأطفال: أنس.

السيسي: إنت عايز تغذى شوية.. (يضحكون) عايز تتغذى شوية.


(الرئيس يدخل أحد الفصول)

السيسي: سلامو عليكو.

الأطفال: وعليكم السلام ورحمة الله وبركاته. أهلًا وسهلًا بحضرتك.

السيسي: أهلًا وسهلًا بيكو.

المدرسات: حضرتك منورنا والله. نورتنا واتشرفنا. لحظة تاريخية يا ولاد.

السيسي: فين الألفا بتاعتكم هنا؟

المدرسات: إيلين.

السيسي: إيلين الألفا؟ شاطرة.. شاطرة.. بتذاكري كويس ولا لأ؟

المدرسات: بنذاكر.

السيسي: بنلعب كورة ولا ما بنلعبش كورة؟

المدرسات: بنلعب كورة.

السيسي: مين أشطر واحد في الكورة؟

الأطفال: أنا.. أنا.. ومحمد..

السيسي: محمد أشطر واحد في الكورة؟ محمد صلاح الجديد؟

المدرسات: إن شاء الله.


(داخل مكتبة المدرسة)

مديرة المدرسة: أستأذن حضرتك يا فندم نشارك المكتبة بعض ال، بعد التجخيز، جهزناهم بمعامل كمبيوتر وإنترنت عشان يقدروا نوعيهم على بنك المعرفة وويكيبيديا.

السيسي: سلامو عليكو.

الأطفال: وعليكم السلام ورحمة الله وبركاته.

السيسي: أحلى صوت سمعته.. أحلى صوت.. عاملين إيه؟

الأطفال: الحمد لله.

السيسي: صحيح.

الأطفال: بجد.

السيسي: بجد؟

الأطفال: بجد.

 طفلة: (تهتف) مصر أعلى مكان، مصر أعلى مكان. (تصفيق)

السيسي: الكمبيوتر ماشي معاكو كويس؟ مبسوطين؟


(الرئيس يغادر المدرسة)

السيسي: باي باي.. مع السلامة.. سلامو عليكو.


أجرى الرئيس الحوار مع طلاب المدرسة الابتدائية بقرية الحصص، مركز شبين، بمحافظة الدقهلية، بحضور طاقم التدريس والمعلمين، وذلك في زيارة للمدرسة ضمن المشروع القومي "حياة كريمة".