السيسي عن المشروعات القومية: "زنقت نفسي وزنقت الدولة صحيح.. بس علشان نعمل دولة"

عاود الرئيس عبد الفتاح السيسي، اليوم، الدفاع عن المشروعات القومية، ومنها مشروع صوامع تخزين القمح، التي حلت محل الشون التقليدية وقللت نسب هدر الغلال، منتقدًا الحديث عن مدى مناسبة التكلفة الكبيرة لتلك المشروعات للحالة الاقتصادية للبلد.

وقال السيسي، في كلمته خلال افتتاح المرحلة الأولى من المنطقة الصناعية بالضبعة وبدء موسم الحصاد بمشروع مستقبل مصر للتنمية المستدامة "يقولك طب ما أنت زنقت نفسك وزنقتنا"، معقبًا "صحيح، بس أنا ما عنديش خيارات تانية، أنا زنقت نفسي آه وزنقت الدولة آه، بس علشان نعمل دولة، واللي بيتعمل ده آثاره يوم عن يوم بتعود للدولة، يعني بتنمو أكتر من 2 مليون إنسان في السنة".

وأضاف "كتير قالوا إن الحكومة والرئيس السيسي دايمًا بيحب يعملوا كل حاجة زيادة عن اللزوم شوية"، معقبًا "لأ"، وتابع "يعني قالك إيه شوف المسجد بتاع السيدة زينب والحسين.. يعني هو أنا لما أخش أعمل وأرفع كفاءة مسجد يبقى أدهنه من بره كدا وخلاص.. لأ.. دا بيت ربنا ما يتعملش إلا صح، كلكم اللي عنده فيلا ولا عنده شقة بيحاول يخليها زي الفل، وأنا بيت ربنا لما أجي أعمله يبقى أعملها أي كلام؟".

ودعا القطاع الخاص للمشاركة في المشروعات قائلًا "دا يسعدنا وأمر هيبقى لمصلحتنا كلنا وكل التسهيلات تقدم لكم"، مؤكدًا "القطاع الخاص مهم جدًا لأن إدارته للمشاريع إدارة متقدمة جدًا وناجحة جدًا، وكفاءة الأداء الحقيقة بتبقى محل اعتبار في أي عمل هما بيقوموا بيه".

وأولى السيسي اهتمامًا خاصًا بإقناع المستثمرين بجدوى مشروع مستقبل مصر للتنمية المستدامة، إلا أنه طالبهم في الوقت نفسه باستيعاب تكلفة البنية التحتية للمشروع من شبكة طرق وكهرباء ومحطات رفع المياه اللازمة للري بقوله "يعني لما أقولك الفدان اتكلف 350 أو 400 ألف جنيه بنية أساسية، ما تستكترش المبلغ عليا، لأني اللي عملته كان لازم أعمله"، كما طالبهم بضرورة الحفاظ على المياه من خلال اتباع طرق الري الحديثة.

ونفى السيسي أن تكون لدى الدولة رغبة في الاستحواذ على المشروعات الاستثمارية، ومن بينها مشروع مستقبل مصر، على حساب القطاع الخاص قائلًا "كتير من الناس وإحنا بنتكلم يقولك يعني ياجماعة أنتم مش مديين فرصة للقطاع الخاص، لأ.. دا أنا بجهز لك ده وبقولك تعالى بس ياريت تقدر تيجي معايا حد أدنى بالري المحوري، لأني في حاجة للمياه شديدة جدًا وعايز أطلع أكبر نسبة إنتاج زراعي بشوية المياه المتاحين ليا، لأن القضية دي هي قضية مصر".

وفي معرض حديثه عن المياه، تطرق السيسي للزيادة السكانية، إذ كرر التصريحات السابقة لرئيس الوزراء مصطفى مدبولي حول ما تتحمله الدولة من عبء مالي، على حد وصفه، جراء استضافتها للاجئين بقوله "إحنا عددنا 106 مليون دلوقتي، وفيه عندنا حوالي 9 مليون ضيوف، ويمكن لما الدكتور مصطفى قال إن العبء المالي علينا من هذا الموضوع يصل إلى 10 مليار دولار.. كتير اتكلم إنه الرقم ده معقول يعني؟ فأنا قولتلهم طب تعالوا قولولنا لو إحنا بندي متوسط المياه طبقًا لأقل معدل عندنا 500 متر في اليوم مضروبة في 9 مليون يعني في السنة بـ 4.5 مليار متر، لو أنا هعملهم محطات تحلية أو محطات معالجة ده بيتكلف أرقام كبيرة قوي".