السيسي وبايدن في شرم الشيخ- نوفمبر 2022 - صفحة المتحدث الرسمي لرئاسة الجمهورية

نص كلمة السيسي خلال استقباله للرئيس الأمريكي جو بايدن 11/11/2022

منشور الأربعاء 16 نوفمبر 2022 - آخر تحديث الأربعاء 16 نوفمبر 2022

السيسي: فخامة الرئيس، اسمح لي أرحب بيك، أهلا وسهلا في مدينة شرم الشيخ، والوفد المرافق ليك، أهلًا وسهلًا. واسمح لي أقول لك إن مناسبة عظيمة قوي إن إحنا السنة دي بنمر 100 سنة على العلاقات أو تدشين العلاقات المصرية الأمريكية.

واسمح لي فخامة الرئيس إن زيارتك لمدينة شرم الشيخ، الحقيقة بتعكس قد إيه قوة العلاقات وقد إيه قوة الدفع اللي ها تتحقق فيما يخص المؤتمر، مؤتمر المناخ.

فرصة فخامة الرئيس إن إحنا ندي قوة دفع للعلاقات الاستراتيجية بين البلدين بوجود فخامتك معانا هنا.

إمبارح كانت في فرصة رائعة جدًا بلقائي مع السيدة نانسي بيلوسي رئيسة مجلس النواب والأعضاء، وتحدثنا كثيرًا في موضوعات مختلفة، وده كان أمر، أمر رائع وجميل الحقيقة.

الحقيقة اسمح لي فخامة الرئيس أنا شايف طبعًا موجودة معانا الصحافة الأمريكية، ومهم قوي إن، أو فرصة لينا إن إحنا نتحدث لهم عن تطورات الأوضاع على الأقل اللي موجودة في مصر، وأنا عارف إنها محل اهتمام ليهم.

أولًا أنا عايز أكد لكم العلاقة الاستراتيجية القوية بين مصر وبين الولايات المتحدة، التي لم تتغير على مدى أكتر من 40 سنة.

ودايمًا كان التفاهم المشترك في كل الموضوعات ال، اللي بتخص ال، القضايا، قضايا المنطقة، كان دايمًا التوجه فيها توجه واحد.

في موضوع دايمًا بيبقى، بيبقى دايمًا محل نقاش، وده أمر إحنا نقدره جدًا، واللي هو خاص بموضوعات حقوق الإنسان.

واسمحوا لي أقول لكم إن إحنا، يعني، دائمًا في هذه الموضوعات بيبقى لينا مقاربة شاملة، اسمعوها مننا في مصر، وأرجو إنكم تتابعوها معانا لأن إحنا حريصين أيضًا على هذا الموضوع وعلى تطوير أنفسنا فيه.

إحنا أطلقنا استراتيجية لحقوق الإنسان في مصر، ثم أطلقنا مبادرة للحوار الوطني في أبريل من هذا العام، وكانت مصاحبة ليها لجنة للعفو الرئاسي، بتقوم بمتابعة القضايا المختلفة، والقوايم اللي بيتم تقديمها بيتم آآ، يعني، التوقيع والتصديق عليها.

مش من اللايق إن أنا أتكلم كتير في حضرة فخامة الرئيس عشان ال، اللقاء يعني. ولكن عايز أطمنكم إن الأمور في مصر تسير بشكل جيد جدًا.

فخامة الرئيس برحب بيك أهلًا وسهلًا.

جو بايدن: I can listen to you much longer.

السيسي: (يضحك الرئيس)    .I appreciate that

جو بايدن: .No, I am serious

السيسي:  .I appreciate that, thank you

...

ألقيت الكلمة في مدينة شرم الشيخ، في حضور جو بايدن، رئيس الولايات المتحدة الأمريكية، على هامش فعاليات مؤتمر المناخ COP 27.