نص كلمة السيسي خلال الندوة التثقيفية الـ 31 للقوات المسلحة 13/10/2019

لا الجيش طلب تبرعات من المصريين لبناء قدراته، ولا الجيش قال لا صوت يعلو فوق صوت المعركة، ده الجيش والدولة، اتحركوا لبناء الدولة أثناء الاستنزاف اللي بيتم علينا.


بسم الله الرحمن الرحيم،

كل سنة وإنتوا طيبين جميعا، لكن الفيلم.. يعني.. لفت نظرنا، أو مش، شاور على حاجة مهمة، إنتوا شوفتوا خلال الشهرين اللي فاتوا، الجيش اللي إحنا بنتكلم عليه ده، كان الهدف كله خلال الشهرين تلاتة اللي فاتوا ويمكن أكتر، هو إزاي نسيء ليه ونشوهه ونقلل من قيمته، ونشكك في قدراته.

لأن.. زي ما شوفنا كده، حتى في وقت الهزيمة الكبيرة، الشعب المصري لم يفقد ثقته في نفسه، لأن الجيش نفسه، الجيش ده هو أبناء المصريين. فلو فُقدت الثقة في أنفسنا، يبقى إحنا بنفقد الثقة في الجيش وقدراته.

أنا بس عايز أفكركوا هنا، ويمكن الفيلم ما.. ماوضحهاش قوي... بعد الحرب، المصريين كانوا بيتبرعوا لبناء الجيش، والفنانين كانوا بيعملوا حفلات هنا في مصر، وبرة مصر، عشان يجمعوا تبرعات لإعادة بناء الجيش، والدولة قالت إن لا صوت يعلو فوق صوت المعركة، عشان يوفوروا للجيش، لمعركة الكرامة، واستعادة الأرض مرة تانية وعزتنا وكبريائنا اللي تضرر بشكل كبير في 67.

إحنا.. هو اتكلموا عن الاستنزاف. طب ما إحنا بقالنا 6 سنين في سينا في حرب مع الإرهاب. هو ده مش استنزاف لقدراتنا؟ مش اللي بيستشهد ده، وبيصاب ده، ابن مصر؟ لما كل ده حد يحاول إن هو يشوهه، أو يسيء له، أمر لازم ننتبه له كويس، أمر لازم نخلي بالنا منه كويس.

لا الجيش طلب تبرعات من المصريين لبناء قدراته، ولا الجيش قال لا صوت يعلو فوق صوت المعركة، ده الجيش والدولة، اتحركوا لبناء الدولة أثناء الاستنزاف اللي بيتم علينا. يعني حرب في سينا، وبناء في كل حتة فيكي يا مصر، عشان ماحدش يعطلنا، ولا يعوق حركتنا، والبلد تطلع لقدام.

اتكلموا عن الوعي، في قمة الهزيمة. قمة الهزيمة.. من ال، المصريين في الوقت ده للناس اللي عاشت في الفترة دي كانت في قمة روحها المعنوية، في قمة روحها المعنوية. والهزيمة كانت قاسية ومريرة جدًا. لكن وعي المصريين كان أكبر من ال، من الهزيمة دي، وقال.. قال للقائد ماتمشيش.. قال للقائد ماتمشيش، كمل، وإحنا معاك.. كمل وإحنا معاك، في قمة الهزيمة. مش حاجة تانية، وإحنا في قمة النصر.

شكرا جزيلا (تصفيق)

...

ألقيت الكلمة بمركز المنارة للمؤتمرات بالتجمع الخامس، بحضور رئيس مجلس الوزراء الدكتور مصطفى مدبولي، والفريق أول محمد زكى القائد العام للقوات المسلحة وزير الدفاع والإنتاج الحربى وعدد من الوزراء وكبار رجال الدولة.

...

خدمة الخطابات الكاملة للسيسي تجدونها في هذا الرابط