أنا بس هاستأذنك في دقيقة واحدة يعني...
بسم الله الرحمن الرحيم،
الحقيقة، يعني مافيش كلمة ليا في المؤتمر، ولكن مكانش يفوتني أبدا إن أنا أرحب بيكم جميعا هنا في مصر، في شرم الشيخ، مدينة السلام، أهلا وسهلا بيكم، بكل المشاركين ف هذا المؤتمر الرائع والعظيم واللي بيعكس قد إيه الحضارة الإنسانية بتنمو وبتتقدم.
والحقيقة، يمكن حتى العرض المسرحي الأخير بيدي إلهام كبير قوي، قد إيه البشرية عبر العصور المختلفة، نمت وتطورت وستنمو وتتطور، وإحنا كمعاصرين لهذا التطور، نقبل ده، مش هاقول نقبله كتحدي، ولكن نقول نقبله كتطور إنساني نتفاعل معه بشكل إيجابي، نستفيد من إيجابياته، ونتعامل مع التحديات اللي بتنشأ عنه.
فأنا برحب بيكم وأتمنى لكم التوفيق في فاعليات المؤتمر خلال الفترة اللي سيعقد فيها، وبتمنى لكم كمان إن يبقى مش بس الأنشطة والفاعليات اللي هتّم، ولكن أيضا يبقى في فرصة لكم إن إنتم تستمتعوا بمناخ، والجو الجميل الموجود في شرم الشيخ خلال هذه الفترة.
مرة تانية برحب بيكم، وبشكر القائمين على المؤتمر، كل من ساهم في الإعداد والتجهيز له، حتى يخرج بالشكل الجيد، وشكرا جزيلا، ومرة تانية برحب بيكم باسمي وباسم كل المصريين في مدينة شرم الشيخ، شكرا جزيلا (تصفيق)
...
ألقيت الكلمة بمدينة شرم الشيخ، بحضور أكثر من 50 وزيرا ونائب وزير الاتصالات من مختلف دول العالم ، و3500 خبير متخصص في مجال الاتصالات وتكنولوجيا المعلومات من 140دولة.
...