من اجتماع الرئيس بمديري مستشفيات العزل عبر الفيديو. الصورة: المتحدث باسم الرئاسة- فيسبوك

نص كلمة وتعليقات السيسي خلال الاجتماع بعدد من مديري مستشفيات العزل 28/4/2020


مقدمة الرئيس

سعيد إن أنا ألتقي بيكم، وأنا مطمن، لكن أنا من خلالكم ومن خلال كلامكم هاطمن الناس، وبردو عايز وإحنا بنطمنهم يبقى بنأكد عليهم إن إحنا محتاجين نستمر على مزيد من الإجراءات اللي هي كنا اتكلمنا فيها قبل كدة وإنتوا اتكلمتوا فيها كتير، يعني، السيدة وزيرة الصحة، والدكتور عوض، والإعلام كله بيتكلم بقاله أكتر من كذا شهر حتى من خلال الرسايل اللي بنشوفها للدول الأخرى يعني، وبقول طبعا دي فرصة إن أنا أأكد ده مرة تانية احترامنا وتقديرنا واعتزازنا، ومش عايز أقول حتى وتعازينا لكل من يقدم حياته من أجل الناس.

فـ.. اتفضلوا، يعني من فضلكم اتكلموا عشان من خلالكم زي ما قلت كدة أنا مطمئن لكن عشان أطمن من خلال كلامكم، للمصريين، بالجهد اللي بيبذل والتضحيات اللي بتقدم في هذا القطاع في الوقت الصعب اللي إحنا بنتكلم فيه.


تعليقات الرئيس على مديري مستشفيات العزل

متشكر يا دكتور علي، وأرجو إبلاغ تحياتي لكل الزملا في المستشفى سواء كان الأطباء أو أطقم التمريض أو الفنيين أو الإداريين اللي عاملين في المستشفى، بشكرك، ربنا يوفقكوا.

..

أنا اللي بشكرك يا دكتور إلهام، وتحياتي لحضرتك، ولكل العاملين معك في المستشفى.

..

أنا اللي بشكرك يا دكتورة وسام.. بشكرك.

..

أنا اللي بشكرك يا دكتور ياسر، وأتمنى لكل المصابين الشفاء العاجل.


تعليق الرئيس على كلمة وزير التعليم العالي والبحث العلمي

شكرا دكتور خالد، وبتمنالكوا التوفيق في هذا الموضوع اللي إحنا بنتكلم فيه كتير مع بعضنا، وبنقول إن لو البحث العلمي قدر يحقق شيء في هذا الأمر هايبقى إنجاز غير مسبوق، مش على قد مصر، هايبقى على قد العالم كله، نتمنى لكم التوفيق في هذا الأمر.


تعليق الرئيس الختامي

إحنا جاهزين إن إحنا نقابله، وأنا مش بطمن المصريين بيه بس، ولكن بطمنهم وبوصيهم كمان إن هم يساعدوا الأطقم العاملة في هذا القطاع واللي بتبذل جهد كبير جدا جدا على مدار الـ 24 ساعة على مستوى الجمورية بالكامل، مش فقط في مواجهة الكورونا، لكن حتى بتقدم خدمة طبية لكل ال، للمرضى اللي مطلوب إن هم يقدموا لهم الخدمة.

أنا بشكركم جميعا ومش هانسى أبدا إن أنا أشكر أسر القائمين على العمل في المجال الصحي أو العمل الطبي.

بأكد مرة تانية إن إحنا أعمال الوقاية والتطهير والتعقيم، من فضلكم، مش بقى، الكلام ده مش بقوله للمستشفيات، أنا بقوله لكل المصريين، من فضلكم نبذل جهد أكبر، ونعمل، ويبقى في حرص أكتر، عشان يعني نقلل فرص الإصابة بهذا المرض، اللي إحنا بنقول هو رغم بساطه لكن هو سريع الانشار، وزي ما سمعتوا كدة إن الـ 1000 مصاب منهم 850 بتبقى إصابتهم إصابة بسيطة أو متوسطة يعني، مافيش خطر كتير عليهم إلا إن هم بردو محتاجين يعني طبقا للقواعد اللي إحنا بنتكلم عليها القواعد الصحية والإرشادات اللي بتقول عليها وزارة الصحة واللي هي مبنية على تبادل خبرات مع منظمة الصحة العالمية من خلال متابعتها لحركة أو حالة الوباء ده في العالم كله، إحنا جزء من الموضوع وبنتحرك فيه بشكل جيد يعني.

بتمنالكوا التوفيق وكل عام وإنتوا طيبين، تحياتي ليكم ولأسركم وللأطقم اللي موجودة أرجو إبلاغ تحياتي ليهم، سواء للـ 6 مديرين اللي اتكلموا أو حتى لباقي المستشفيات اللي هي ماجاتش الفرصة إن هم يعني يعرضوا حاجة يعني، وأيضا للمرضى اللي موجودين في هذه المستشفيات، أتمنى لهم كل الصحة وكل العافية.

وفي الآخر بقول بتمنى لكل المصريين كل السلامة وكل الصحة وكل العافية، وربنا سبحانه وتعالى التحدي اللي موجود ده إحنا هانتغلب عليه بفضل الله ثم بفضل وعيكم وبفضل جهد الجيش، الجيش الأبيض لمصر اللي موجود دلوقتي، ومحشود في مواجهة هذا الوباء، بتمنالكوا التوفيق، شكرا جزيلا.


ألقيت الكلمة عبر تقنية الفيديو كونفرنس مع عدد من مديري مستشفيات العزل بحضور وزيرة الصحة الدكتورة هالة زايد، ووزير التعليم العالي والبحث العلمي خالد عبد الغفار، والدكتور محمد عوض تاج الدين مستشار رئيس الجمهورية لشؤون الصحة والوقاية.


خدمة الخطابات الكاملة للسيسي تجدونها في هذا الرابط