نص كلمة السيسي في جنازة ضحايا تفجير الكنيسة البطرسية - 12 / 12 / 2016

أنا عايز أقولكم.. إنتو ماتعرفوش حجم النجاح.. إللي إحنا محققينه.. في سييينا.. حجم كبير آآوي. ونجاح كبير أوي. وعشان كدة بقولكوا إللي حصل ده.. إوعوا تقولوا أبداً إن هو خلل أمني من فضلكوا.


يعني، قبل ما أعزيكوا، كلكوا، أنا مش بعزي بس أشقاءنا وأهلنا المسيحيين. ولا قداسة البابا. ولااا.. ولا إنتم. أنا بعزي كلنا.. كلنا، المُصاب ده مصابنا كلنا. كل المصريين.

قبل ماجي هنا، كنت متأكد إن أنا لازم أكون موجود معاكوا. و.. اللي عمل كدة، عشان تكونوا عارفين، شاب دخل الكنيسة، اسمه محمود شفيق محمد مصطفى.. اسمه محمود شفيق محمد مصطفى. وفجر نفسه داخل الكنيسة. عنده 22 سنة. واحنا قبضنا على 3 زائد سيدة، وناقص 2 .. 3 زائد سيدة، اتقبض عليهم.. إحنا هانخلي الإعلام يطلع دول. إمبارح طول الليل بيجمعوا جثة.. محمود شفيق محمد مصطفى.. ده اللي عمل العمل ده بحزام ناسف. مش بشنطة، ولا أي حاجة تانية.

اقرأ أيضًا: نص خطاب السيسي بمناسبة مرور عام على افتتاح قناة السويس الجديدة 6/8/2016

الكلام اللي أنا بقولهولكوا ده كلام مسؤول. ماكناش نقدر نيجي يا قداسة البابا لكم النهاردة. الموضوع ده ماكانشي يبقى ليه ملامح إحنا عارفينها. لكن خليني أكلمكم الرسايل إللي إحنا عايزين نـ.. نقولها للمصريين إيه؟ .. العزا ده، لكل المصريين! العزا إللي إحنا موجودين فيه النهاردة، مش ليكم إنتو بس.. لأ.. ده لينا كلنا! والمُصاب ده، مش مصابكم إنتوا بس. ده مصابنا كلنا! لأن إحنا قلنا خلاص! إحنا حاجة واحدة! وإللي بيحصل ده.. دي...

لكن لازم تكونوا عارفين تاااني، إن إللي حصل ده.. إللي حصل ده، إمبارح، دي ضربة إحباط، وهم مش هايقدروا أبدًا، دي ضربة إحباط منهم هم، مش إحباط مننا أنا، مش، مش إحنا إللي محبطين، لااا، وإحنا هم لن يستطيعوا أبداً إحباطنا

عارفين الإحباط؟ عارفين إللي غِلبوا في المصريين؟ غِلبوا فينييا! بقالهم 3 سنين، قاعدين يهزوا فينا يمين وشمال مابنجيش معاهم. يعملوا في الاقتصاد مافيش فايدة. يعملوا إرهاب مافيش فايدة. يعملوا بلبلة.. مافيش فايدة. فإللي بيحصل ده، ده كان إحباااط. إوعوا تفتكروا غير كدة! ده إحباااط. إحباطهم. لأن المصريين حيروهم. المصـ، أنا بقول مين يا قداسة البابا؟ المصريين حيروهم، الله! الحاجة غالية مافيش فايدة.. ناخد الرز والسكر مافيش فايدة.. آآ مانجبش سياحة مافيش فايدة.. الله! انتو مش عايزين تتحركوا؟! لا هانحرككم.. لاااا.. المصرييييين، وانتم..

اقرأ أيضًا: نص كلمة السيسي في افتتاح مشروع بشاير الخير 26/9/2016

الله! 75 كنيسة ندمرهلكم ومافيش فايدة فيكوا بردو؟! هانعملكوا إيه؟ لاااأ! لازم تكونوا عارفين كويس أوي. إن إحنا.. أولاً إحنا مش هانسيب تارنا حتى بعد إللي قبضنا عليهم. والـ.. وبصراحة بقى.. الحكووومة.. والبرلمااان.. لازم نتحرك بشكل أكتر من كدة لأن الموضوع بتاع القوانين إللي مـ إللي مكبلة، عشان نكون أُمَنَا مع بعضنا، في القضاء، مش هاتنفع كدة! القضاء مش هايقدر يتعامل مع المسائل دي بالحسم اللازم بالطريقة إللي إحنا ماشيين بيها.. قوانين تعالج المشاكل دي بشكل حااسم! تعالج المشاكل دي، الإرهاب ده، بشكل حاسم. كل من.. يعني.. يستهدف المساس بأمننا، وأمن بلادنا، وإنه يئذي أولادنا وأحباءنا.. لااء مش هاينفع كدة.

طول ماحنا مع بعض.. كتلة واحدة، إيد واحدة. لازم هاننتصر لأن إحنا أهل خير، مش أهل شر.

أنا عايز أقولكم.. إنتو ماتعرفوش حجم النجاح.. إللي إحنا محققينه.. حتى في مواجهة الإرهاب.. ماتعرفوش حجم النجاح إللي متحقق، في سييينا.. حجم كبير آآوي. ونجاح كبير أوي. وعشان كدة بقولكوا إللي حصل ده، إللي حصل ده، إوعوا تقولوا أبداً إن هو، خلل أمني من فضلكوا. أنا لو عايز أريحكوا ممكن أعمل حاجات كتير. بس إحنا مابنتعاملش كدة. إحنا بنتعامل مع بعض بصدق وبأمانة. الأمر بيتطلب إيه بنعمله.. الأمر بيتطلب إيه بنعمله.

اقرأ أيضًا: نص كلمة السيسي في ذكرى السادس من أكتوبر 5/10/2016

لكن لازم تكونوا عارفين تاااني، إن إللي حصل ده.. إللي حصل ده، إمبارح، دي ضربة إحباط، وهم مش هايقدروا أبدًا، دي ضربة إحباط منهم هم، مش إحباط مننا أنا، مش، مش إحنا إللي محبطين، لااا، وإحنا هم لن يستطيعوا أبداً إحباطنا، طول ماحنا مع بعض.. طول ماحنا مع بعض.. كتلة واحدة، إيد واحدة. لازم هاننتصر لأن إحنا أهل خير، مش أهل شر. أهل بناء، بقولها 100 مرة، مش أهل هدم. أهل تعمير، مش أهل خراب. أهل إصلاح مش أهل إفساد.

فــ.... عزائي ليكوا كلكوا.. عزائي لشعب مصر كله. أنا أبدًا أبدًا مش هاعزّي وأقول أبدًا أشقاءنا المسيحيين.. لا والله. هقول عزاءنا لكل المصريين. وبقول لكل المصريين، الضربة دي وجعتنا. الضربة دي سببت ألم كبير لينا. لكن أبدًا أبدًا، الضربة دي عمرها ما هاتكسرنا. أبدًا ما هاتكسرنا. إحنا هانقف.. وهانبقى أقوياء جدًا جدًا كالعادة. وهانصمد، والحرب دي، إن شاااء الله، إن شاااء الله، إن شاء الله هاننجح فيها.

أرجوا إنكوا تقبلوا عزائي قداسة البابا.. متشكرين.. متشكرين.. شكراً جزيلاً.. شكراً جزيلاً.

سحابة كلامية - الكنيسة البطرسية  المنصة 

*تم إعداد سحابة عد الكلمات بعد استبعاد حروف الجر والعطف