نص كلمة السيسي خلال حفل الإفطار السنوي الذي أقامته القوات المسلحة 1/3/2026
بسم الله الرحمن الرحيم،
الحمد لله رب العالمين،
اسمحولي أرحب بيكم جميعًا، وكل عام وانتوا طيبين، والحقيقة أنا.. في ترحيب لكل آآ القادة والضيوف اللي موجودين، لأن أنا شايف إن آآ.. يعني.. حضور آآ رائع جدًا جدًا لكثير من القادة والمسؤولين خلال الفترة اللي أنا يعني.. كنت مسؤول فيها، وما، سواء كان في القوات المسلحة أو بعد كده.
يمكن الموضوع اللي.. اللي هو آآ.. يعني بيتهيألي مـ.. موضوع الساعة، هو موضوع الأزمة اللي موجودة دلوقتي، والحرب اللي دايرة وموجودة في.. في المنطقة.
وأنا يمكن آآ هقولكوا إن إحنا في مصر حاولنا من خلال جهد مخلص آآ خلال الشهور ويمكن اللي فاتت كلها إن إحنا نقوم بدور إيجابي في منع الوصول إلى الأزمة إنها تصل إلى هذا المستوى يعني، بهدف تقريب وجهات النظر ما أمكن، وأيضًا بهدف الوساطة آآ لل.. بين الولايات المتحدة وبين إيران، من أجل يعني الوصول إلى اتفاق زي ما قولت كده، لأن إحنا كنا نرى، وكتير من الناس عارفه ده كويس، إن الحروب دايمًا بيبقى ليها تأثير سلبي على آآم يعني، في المناطق اللي بتحدث فيها، سواء كانت في الدول اللي بتعاني من الحرب، أو حتى من دول الجوار لها، الجوار المباشر، خاصة مع التطور لكبير اللي حصل في القدرات آآ، قدرات القتال يعني.
فكان لينا، يعني، زي ما قلت كده جهد مخلص، وجهد مستنير يعني، مخلص يعني مكانش أهدافه غير الوصول إلى اتفاق ومنع الحرب، ومستنير لأن إحنا كان عندنا تقدير، ودايمًا آآ دايمًا.. التقديرات الخاطئة هي اللي بتترتب عليها آآ أزمات ومشاكل كبيرة، وقد تخرج عن السيطرة.
فده بس اللي إحنا، حبيت أقوله كبداية. أتصور إن فيه يعني تأثير كبير جدًا على ال.. التوازن، بشكل أو بآخر.
إحنا طبعًا، انتوا متابعين معانا وشوفتوا خلال يومين، امبارح والنهاردا تقريبًا، حصل آآ تطورات كبيرة جدًا ومتسارعة جدًا جدًا. ويمكن آآ يعني مش عارف أقول إيه الأهم وإيه المهم، فكل الأحداث اللي حدثت أو التطورات اللي حدثت كانت تطورات مهمة. لكن إحنا في مصر كنا حريصين جدًا جدًا إن إحنا أولًا نؤكد على أهمية يعني آآ عدم التصعيد والتهدئة وعدم الوصول إلى الحرب أو إيقاف الحرب لو أمكن خلال هذه المرحلة.
إحنا طبعًا، أنا تحدثت مع الأشقاء في الخليج.. ال.. يعني.. مفيش آآ من أول المملكة العربية السعودية، الإمارات، قطر، البحرين، الكويت، عمان، الأردن.. في أهمية إن أولًا لتأكيد أمر مهم جدًا إن إحنا يعني.. نرفض تمامًا الاعتداء على أشقائنا في دول الخليج، وده أمر إحنا أكدناه سواء كان في بيان لوزارة الخارجية أو حتى بيان على مستوى الرياسة و.. فـ.. وده برضو أيضًا في تقديري من الحسابات اللي.. الخاطئة، إنك آآ إن يتم آآ..التعدي على دول الجوار بشكل أو بآخر، تحت أي اعتبار أو أي أسباب أو... يعني.. فـ.. وبنأكد وقوفنا معاهم آآ واستعدادنا دايمًا إن إحنا نبقى آآ مع أشقائنا في مواجهة الأزمات يعني.
في نفس الوقت إحنا بنتحسب جدًا من استمرار الحرب لأن إحنا بنشوف تطورات زي الموضوع.. زي دلوقتي اللي بيحدث في.. فيما يخص مضيق هرمز والتأثير بشكل أو بآخر على الملاحة في قناة السويس، وإحنا عانينا الحقيقة من الموضوع دوة على مدى السنتين اللي فاتوا.. من أول 7 أكتوبر 23 لغاية دلوقتي.. يعني.. إحنا ما وصلناش أبدًا في أي وقت من الأوقات بعد 7 أكتوبر أبدًا لحجم التشغيل أو الملاحة اللي كانت موجودة قبل كده في قناة السويس، وده بيترتب عليها يعني خسائر كبيرة جدًا في أموال كانت مصر آآ ورسوم كانت مصر بتتحصل عليها نتيجة آآ هذا الأمر.
فا.. نتوقع إن ده أيضًا يعني مضيق هرمز يبقى ليه تأثير على المنتجات البترولية سواء الغاز أو البترول.. الدولة لازم تدرس كل حاجة وتجهز نفسها لكل السيناريوهات المختلفة اللي ممكن تقابلها.
فـا. يعني يمكن النقطة دي آآ بقولها بس كده من باب ال.. يعني.. للداخل في مصر، شعبنا يعني، مفيش قلق الحمد لله رب العالمين.. آآ.. يعني.. يعني إحنا كنا حريصين على إن يبقى عندنا الاحتياطات الكافية في كل آآ الأمور اللي ممكن آآ تمثل مشكلة في الحياة اليومية أو للتشغيل في مصر يعني. فـ.. ده كلمة عامة، لكن أنا بطمنكم إن الأمور الحمد لله رب العالمين. بس طبعًا أزمة اقتصادية بمستوى العالم يمكن بشكل أو بآخر، وطبعًا هيبقى ليها تأثير يعني، ده بنحاول نكون إحنا موضوعيين، ولو محصلش كده يعني والأمور انتهت بشكل أسرع و.. وبتداعيات أقل، يعني إحنا هنبقى سعداء بإن تنتهي الأزمة في أسرع وقت يعني.
فا.. ده فيما يخص الداخل، وده اللي إحنا بنتعلم منه إن إحنا دايمًا كمصريين نبقى عارفين إن مهم جدًا جدًا إن إحنا كدولة نبقى.. دولة بشعب يعني، دولة بشعبها، مش آآ يعني .. أنا دايمًا مبفرقش ما بين آآ يعني ما بين آآ الحكومة والناس، إحنا كلنا واحد، ودي نقطة مهمة جدًا جدًا، وأهم أو أحد أهم أسباب النجاح في مصر، والاستقرار بفضل الله في مصر، والثبات في مصر، مبني دائمًا على يعني دايمًا أنا بقول الفضل بنذكره لصاحب الفضل: لله سبحانه وتعالى. هو اللي بيلهم وبيعين على إن إحنا نبقى يعني.. يعني يلهمنا البصيرة، نبقى شايفين بشكل آآ موضوعي وشكل مناسب للأحداث اللي بتمر بينا. فالفضل كله لله قبل كل شيء، ويارب ما يحرمنا أبدًا من فضله علينا، و.. ودايمًا يمدنا بال.. الأمن والسلام والاستقرار والنجاح يعني.
النقطة التانية هو انتوا، المصريين. المصريين بكل ما تعنيه الكلمة دي من أول المواطن البسيط اللي ماشي في الشارع، اللي بيبقى متحمل و.. يمكن يكون بيعاني.. وساكت.. وإحنا مش.. إحنا شايفين والله، وإحنا موجودين عشان نبذل أقصى جهد لتحسين الحال ده.
لكن أنا عايز أقول إحنا تقريبًا من 2020 وإحن عندنا ظروف صعبة مرت بينا يعني.. يعني كورونا خدتلها سنة سنة ونص.. عقبال ما اتعافى العالم منها تقريبًا خدله.. انتهت يعني كـ.. يعني.. كجائحة كبيرة جدًا مرت على العالم خدت أكتر تقريبًا من سنتين.. ثم طبعًا آثاره، كانت ليها آثار اقتصادية. أعقبها طبعًا الحرب الروسية اللي ما زالت حتى الآن.. ثم حرب غزة.. ثم الآن الحرب الإيرنية.
فـا.. اللي يهمنا إن إحنا دايمًا طالما هنبقى متكاتفين مع بعض، شعب مصر، ومستعد يتحمل الظروف دية، ويبقى فاهمها، مش بيتحملها عشان أنا بطلب منه كده بس، لا هو يبقى فاهم إن إحنا في أمور بتبقى خارجة عن آآ.. عن آآ.. عن قدراتنا يعني.. مش كل حاجة إحنا نقدر نعملها. في الأحداث اللي بتمر فينا بنحاول نقوم بدور إيجابي في كل الأزمات.
بالمناسبة إحنا لينا يعني مسار كل العالم النهاردا بيبقى بيعترف بيه ومصدقه، هو إن مصر دايمًا بتحاول تقوم بدور إيجابي في إطفاء أي نيران وأي مشاكل، وبتتعامل مع الأزمات اللي هي حتى بتقابل الدولة المصرية في حد ذاتها بشكل من الصبر و.. و..طولة البال، وعدم الاندفاع، وعشان الأمور متتعقدش أكتر ويبقى فيه.. يعني.. تداعيات سلبية يعني.
فا.. مش عايز أطول أكتر من كده، كل سنة وانتوا طيبين، وسعيد إن أنا بلتقي و.. بنفطر مع بعض.. ويمكن آخر كلمة بقولهالكم بقولكم اطمنوا على مصر كويس.. محدش.. بفضل الله.. بفضل الله.. بفضل الله.. يقدر يقرب للبلد دي. (تصفيق)
شكرًا جزيلا، وكل سنة وانتوا طيبين.
ألقيت الكلمة في القاهرة، حيث حضر الرئيس عبد الفتاح السيسي حفل الإفطار السنوي الذي أقامته القوات المسلحة تزامنًا مع الاحتفال بذكرى انتصارات العاشر من رمضان.