نص كلمة السيسي خلال افتتاح مركز التحكم المركزي للشبكة الوطنية للطوارئ 31/10/2022
السيسي: يا بكر.
اللواء بكر مدير الإشارة: أوامر يا فندم.
السيسي: إحنا ها نخلص بقية الجمهورية إمتى؟
اللواء بكر مدير الإشارة: خلال 4 شهور إن شاء الله.
السيسي: طيب. أنا بس كان ده مهم إن إحنا نعرفه عشان الناس تسمعه مننا إن إحنا ها نخلص الجمهورية بالكامل خلال 4 شهور. مش كدا؟
اللواء بكر مدير الإشارة: تمام يا فندم.
السيسي: وأنا بس، خليني يعني أشكركو كلكو جميعا، كل اللي ساهم في هذا المشروع يا دكتور مصطفى، وكل الوزارات المعنية بهذا الأمر. وده كان حلم، حلمنا بيه من سنين طويلة فاتت يعني، والحمد لله ربنا وفقنا، ويعني، خلصناه تقريبا.
وأنا بس عايز أقول لكم على حاجة، في كل المشروعات اللي زي كدا، يمكن كتير من اللي بيسمعونا وبيشوفونا يمكن ما يكونوش متصورين إيه اللي ممكن تقدمه المنظومة ديت للدولة المصرية وللأداء ولجودة ال، الحياة وحوكمة البيانات وسلامة الإجراءات وكلام من هذا القبيل. ويمكن ده يبقى كان محتاج مننا إن إحنا في الإعلام نشرح أكتر ونفهم الناس أكتر.
لما أتكلم على، يعني.. من غير ما أخش في تفاصيل كتير يعني يا بكر..
اللواء بكر مدير الإشارة: تمام يا فندم.
السيسي: لما بنتكلم على تأمين بيانات وتأمين اتصال، إحنا بنتكلم هنا على حاجات فنية آآ يعني، يعني مش هانـ، يعني.. مش عارف أقول، يعني الدكتور مصطفى بيقول لي معقدة، أنا عايز أقول له هي، هي مش بس معقدة بس، لأ، هي حجم التأمين اللي فيها قد يصل لنسب عالية جدا جدا، مش عايز أقول 100% عشان ما أبقاش بتكلم.. ولا إيه يا بكر؟
اللواء بكر مدير الإشارة: تمام يا فندم.
السيسي: يعني الكلام اللي معمول، في كلام مش ها يتقال خالص في الموضوع دوت. لكن هو الهدف منه إن إحنا الاتصالات والبيانات المتداولة على هذه المنظومة تبقى آآ يعني يصعب إن ما كانش يستحيل التدخل فيها أو إعاقتها. أو، أو قطعها.
اللواء بكر مدير الإشارة: تمام يا فندم.
السيسي: مش كدا يا بكر؟
اللواء بكر مدير الإشارة: تمام يا فندم.
السيسي: يعني بس هو ده النقاط اللي إحنا محتاجين نفهمها للناس.
اللواء بكر مدير الإشارة: بنسبة 100% يا فندم.
السيسي: كتير مننا كان يقول لك أنا والله كان في حاجة حصلت على الطريق وما قدرتش وما حدش سمعني وما حدش جالي إلا بعديها بساعة ولا ساعتين. أو مش عارف حريقة حصلت في حتة، وعقبال ما جولنا خدوا ساعة ولا ساعتين..
ده طبيعي.. مش ها أقول ده طبيعي إن يحصل كدا، لأن الكلام اللي بيتعمل هنا لما يخلص، تماما على مستوى المحافظات، ها يبقى إنت متدرب.. ها يبقى في مركز عمليات صغير. يعني أنا هنا مركز العمليات الرئيسي..
اللواء بكر مدير الإشارة: تمام يا فندم.
السيسي: اللي هو الدولة بتشوف بيه بعضها، بتشوف بيه كل المحافظات وتشوف نفسها بيه، وبتسيطر بيه.
اللواء بكر مدير الإشارة: تمام يا فندم.
السيسي: البيان أو البلاغ الواحد اللي ها يتقدم من محافظة زي محافظة، مثلا، الإسماعيلية الأقصر أي حاجة، يبقى في مركز صغير بيشرف بال، ببردو بالعناصر ال 6 اللي إحنا بنتكلم عليهم: الإسعاف والداخلية و.. أو الصحة والداخلية والبترول وغيره..
اللواء بكر مدير الإشارة: وهكذا..
السيسي: موجودين عناصر بردو على مستوى المحافظة. والمحافظة الكلام ده متصل بالمركز الرئيسي، آلي، مش كدا بردو يا بكر؟
اللواء بكر مدير الإشارة: تمام يا فندم.
السيسي: آه.. والنـ، فإحنا شايفين بعض، شايفين إيه اللي بيحصل في الدولة، ونقدر نحشد الموارد، سواء من داخل المحافظة اللي فيها مشكلة أو الدولة تقوم بحشد آآ موارد أخرى لو الأمر متطلب أكتر من طاقة المحافظات.
أنا بس عايز أقول نقطة مهمة جدا هنا. إحنا كنا بنقول اللي هو ميكنة آآ والحكومة الذكية. وبقول ل، إحنا كان في كلام اتكلمنا فيه من حوالي 3 سنين يا دكتور مصطفى على إن إحنا في المدن الجديدة في المحافظات المختلفة بنعمل المحافظة الجديدة.
وقلنا إن المحافظة الجديدة يا بكر معلش..
اللواء بكر مدير الإشارة: تبقى..
السيسي: ها تبقى بردو..
اللواء بكر مدير الإشارة: مميكنة.
السيسي: مميكنة، متصلة بال، بالحكومة في العاصمة يا دكتور مصطفى.
اللواء بكر مدير الإشارة: تمام.
السيسي: فأرجو إن إحنا وإحنا شغالين ننتبه إن إحنا عشان بس ما نعملش ازدواج في مراكزا لتحكم اللي إنتو ها تعملوها يعني.
اللواء بكر مدير الإشارة: تمام يا فندم.
السيسي: فـ.. أنا بشكركم، بشكر كل من ساهم في المشروع دوت، وبردو بشكر ال، الجهد الكبير وبـ أهني، إحنا قلنا الكلام ده قبل كدا من أكتر من سنة لما أطلقنا القمر، لكن ده كان أول مرة يكون لمصر قمر اتصالات آآ خاص بيها.
اللواء بكر مدير الإشارة: تمام يا فندم.
السيسي: ده ما كانش موجود قبل كدا.
اللواء بكر مدير الإشارة: كنا بنعتمد على ال...
السيسي: طبعا، طبعا. ده متاح بالإضا.. بال، مهم قوي إن أنا أقول بردو إن الشغل اللي هنا مش شغل خـ.. الشغل هنا في شغل تجاري ممكن يحقق موارد يمكن بكر ما أشرش ليها باستفاضة يعني، لكن ممكن يحقق موارد كويسة لتقديم الخدمات ديت للقطاعات المدنية وال..
اللواء بكر مدير الإشارة: تمام يا فندم.
السيسي: .. يعني وال..
اللواء بكر مدير الإشارة: والجهات المختلفة
السيسي: والمستثمرين والقطاع الخاص اللي هو يهمه إنه ياخد خدمة بهذا المستوى وبهذه الجودة.
أنا بشكركم وألف مبروك وبالتوفيق. شكرا جزيلا.
ألقيت الكلمة في القاهرة، حيث افتتح الرئيس مركز التحكم الرئيسي للشبكة الوطنية الموحدة لخدمات الطوارئ والسلامة العامة المتطورة بالمقطم، وذلك بحضور الدكتور مصطفى مدبولي، رئيس مجلس الوزراء، وعدد من الوزراء والقيادات.